Bakıda əsən güclü külək nəticəsində ağac iki avtomobilin üzərinə aşıb.
Bunu Oxu.Az-a açıqlamasında Bakı Şəhər İcra Hakimiyyətinin Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov bildirib.
Onun sözlərinə görə, hadisə Nərimanov rayonu, Təbriz küçəsi 105 ünvanında baş verib:
“Ağac “Prado” və “BMW” markalı maşınların üzərinə aşıb, avtomobillərə ziyan dəyib. Xəsarət alan olmayıb”.
“Aşan ağac sağlam küknardır və kökündən çıxıb. Paytaxtın müxtəlif yerlərində 10-a yaxın ağacın budaqları sınaraq yola düşüb”, - deyə şöbə rəisi əlavə edib.
Şahidi olduğunuz hadisələri çəkib bizə göndərin!
Son Əlavə