Səhər saatlarından yağmağa başlayan qarın qalınlığı 40-50 sm-ə çatıb.
Median.Az xezerxeber.az-a istinadən bildirir ki, güclü qar Tovuzun dağ kəndlərinə, xüsusilə də Molla Ayrım, Hacı Həsənli, Kirən, Soflar, Xatıncan və Qalaboyuna gedən əsas yolda sürücülərə çətin anlar yaşadıb. Əksər yerlərdə isə qarın qalınlığı 20-30 sm təşkil edib. Sürücülər bildirirlər ki, daha çox səhər və axşam saatlarında çətinliklə üzləşirlər. Hava soyuq olduğuna görə yollar buz bağlayır.
Mövcud vəziyyətlə bağlı Azərbaycan Avtomobil Yolları Dövlət Agentliyinin 26 nömrəli Yol İstismar İdarəsindən "XəzərXəbər"ə bildirildi ki, hazırda Tovuz-Böyük Qışlaq yolunda vəziyyət daha təhlükəli olduğu üçün orada təhlükəsizlik tədbirləri görülür. Növbəli şəkildə sözügedən yol qum və duz ehtiyatı ilə təmin edilir.
Şahidi olduğunuz hadisələri çəkib bizə göndərin!
Son Əlavə