Fövqəladə Hallar Nazirliyi (FHN) Azərbaycan Dövlət Mədəniyyət və İncəsənət Universitetində (ADMİU) yanğın təhlükəsizliyi ilə bağlı yoxlama aparıb.
Qaynarinfo-nun məlumatına görə, universitetdə yoxlama FHN-in Dövlət Yanğın Nəzarəti Xidməti tərəfindən keçirilib.
Universitetin rektoru Ceyran Mahmudova barəsində İnzibati Xətalar Məcəlləsinin 518.1-ci maddəsi ilə protokol tərtib edilib və iş məhkəməyə göndərilib.
İnzibati Xətalar Məcəlləsinin 518.1-ci maddəsinə əsasən, mülkiyyət formasından asılı olmayaraq müəssisə, idarə və təşkilatlarda, ictimai yerlərdə, anbarlarda, yataqxanalarda və ya digər yaşayış sahələrində, meşələrdə və nəqliyyatda yanğın təhlükəsizliyi standartlarının, normalarının və qaydalarının tələblərinin pozulmasına və ya yerinə yetirilməməsinə görə hüquqi şəxslər 350 manatdan 500 manatadək məbləğdə cərimə edilir.
İşə 11.02.2025-ci il tarixində Nərimanov Rayon Məhkəməsinin hakimi Gültəkin Əsədovanın sədrliyi ilə baxılacaq.
Şahidi olduğunuz hadisələri çəkib bizə göndərin!
Son Əlavə