"Wolt" şirkətində çalışan kuryer dələduzluq hadisəsi ilə qarşılaşıb.
Yemək sifariş verən müştəri kuryeri ustalıqla aldatmağa nail olub. Belə ki, 27 manatlıq yemək sifariş verən müştəri mağazadan bəzi şeylərin alınmasını da xahiş edib. Şübhə doğurmamaq üçün bunları aldırdıqdan sonra isə kartına 80 manat pul yükləməsini və sifarişi çatdıran zaman artıqlaması ilə ödəyəcəyini bildirib. Kuryer pulu deyilən hesaba yüklədikdən sonra müştəri telefonu söndürərək yoxa çıxıb. Bu zaman məlum olub ki, ona qarşı dələduzluq olunub. Dələduzların qurbanına çevrilməmək üçün bu cür xahişlərin yerinə yetirilməməsini və ayıq-sayıq olmağı tövsiyə edirik.
//avtosfer.az