Bolqarıstanın paytaxtı Sofiyada yeniyetmə güləşçilər arasında dünya çempionatı davam edir.
Azərbaycan Güləş Federasiyasından Oxu.Az-a verilən məlumata görə, altıncı yarış günündə son 5 yunan-Roma güləşçimiz mübarizəyə qoşulub.
Fərid Sadıxlı təsnifat mərhələsində güclü rəqiblə üz-üzə gəlib. Avropa Gənclər Olimpiya Festivalının (EYOF) qızıl medalçısı gərgin mübarizə şəraitində keçən görüşdə Rusiya təmsilçisinə minimal hesabla qalib gəlib. Lakin 1/8 finalda qazax güləşçiylə bacarmayıb.
Elmir Əliyev ilk mərhələni bir göz qırpımında başa vurub. EYOF-un qalibi argentinalı rəqibini cəmi 1 dəqiqə ərzində “tuşe” ilə məğlub edib. Elmirin qarşısında misirli idmançı da duruş gətirməyib. Əliyev Rumıniya təmsilçisinə də gücünü göstərərək yarımfinala vəsiqə qazanıb.
Həsrət Cəfərov debütdə qazax həmkarını üstələyib. Ancaq növbəti mərhələdə iranlı pəhləvana məğlub olub.
Rauf Əliyev Serbiya təmsilçisinə ilk hissədə tam üstünlüklə qalib gələrək mundiala inamlı start verib. Mingəçevir güləş məktəbinin yetirməsi növbəti mərhələdə yunan güləşçiylə qarşılaşıb. Yığmamızın üzvü ikinci hissədə qazandığı xallarla vaxtından əvvəl qələbəni bayram edərək 1/4 finala yüksəlib. Ancaq bu mərhələdə İran pəhləvanı keçilməz olub.
Mübarizəyə 1/8 finaldan qoşulan Laçın Vəliyev İsrail təmsilçisini yolundan kənarlaşdırıb. Belarus idmançısını da məyus edən Vəliyev adını yarımfinala yazdırıb.
Qeyd edək ki, yarımfinal qarşılaşmaları Bakı vaxtı ilə saat 18:30-da start götürəcək.
45 kq
Təsnifat - Fərid Sadıxlı - Valeri Manqutov (RUS) 4:3
1/8 final - Fərid Sadıxlı - Samatbek İzimqali (KAZ) 4:15
51 kq
Təsnifat - Elmir Əliyev - Eduardo Lovera (ARG) 4:0 (tuşe)
1/8 final - Elmir Əliyev - Məhəmməd Şaban (EGY) 5:0
1/4 final - Elmir Əliyev - Denis Florin Mihay (ROU) 4:2
1/2 final - Elmir Əliyev - Vladimir Voytoviç (UKR)
60 kq
Təsnifat - Həsrət Cəfərov - Əziz Qasımov (KAZ) 10:4
1/8 final - Həsrət Cəfərov - Seyid Söhrabi (İRİ) 1:3
71 kq
Təsnifat - Rauf Əliyev - Uros Rayiç (SRB) 8:0
1/8 final - Rauf Əliyev - Andreas Vasilakopulos (GRE) 9:0
1/4 final - Rauf Əliyev - Rza Rəcəb Əli Saki (İRİ) 0:3
92 kq
1/8 final - Laçın Vəliyev - Maik Haimov (İSR) 5:0
1/4 final - Laçın Vəliyev - Vladislav Valodin (BLR) 2:0
1/2 final - Laçın Vəliyev - Oktay Demir (TUR)
Şahidi olduğunuz hadisələri çəkib bizə göndərin!
Son Əlavə