“Sənədsiz evlərə görə kompensasiya verilməli deyil” - Deputat komitənin müdafiəsinə qalxdı
Milli Məclisin Hüquq siyasəti və dövlət quruculuğu komitəsinin üzvü Fəzail Ağamalı qanunsuz tikililərə görə dövlət tərəfindən kompensasiya verilməyəcəyi ilə məsələni şərh edib.
Deputat oxu.az-a açıqlamasında deyib ki, Əmlak Məsələləri Dövlət Komitəsinin kompensasiyanın verilməməsi ilə bağlı yanaşması tamamilə doğrudur.
Parlament üzvü hesab edir ki, qanunsuz tikililərə görə onların sahiblərinə kompensasiya ödənilməsi düzgün deyil. Lakin o, istisnaların da mövcud olduğunu deyib:
“Ola bilsin, bir sıra sahələr, yerlər var ki, orada bələdiyyələrin verdiyi sənədlər əsasında tikinti işləri aparılıb. Ancaq bunlar rəsmiləşdirilməyib. Ölkə Prezidentinin müvafiq tapşırığına uyğun olaraq həmin tikililər sənədləşdirilməlidir.
Bununla yanaşı, infrastrukturun yaradılması, yolların genişləndirilməsi, dövlətin strateji planının tərkib hissəsi olan bu və ya digər tikililərin aparılması ilə bağlı söküntü işləri həyata keçirilərkən sənədləri olanlara kompensasiya veriləcək. Ancaq qanunsuz tikili aparanlara hər hansı şəkildə kompensasiya verilməli deyil”, - deyə F.Ağamalı əlavə edib.
Deputatın sözlərinə görə, hətta elə hallar var ki, orada heç bələdiyyənin arayışı və qərarı olmadan tikinti aparılıb:
“Belə tikililərə görə kompensiyanın verilməsi gözlənilən deyil. Buna görə də Əmlak Məsələləri Dövlət Komitəsinin yanaşması tamamilə qanunauyğundur”.
Parlamentin komitə üzvü “Bəs heç bir icazə almadan necə tikili tikmək olar?” sualına da aydınlıq gətirib.
“İcazəni verən rəsmi qurumlar var. Məsələn, bu, bələdiyyə torpağıdırsa, orada tikintinin aparılması perspektiv kimi nəzərdə tutulubsa, bələdiyyənin qərarı əsasında tikintinin aparılmasına icazə verilir. Lakin Azərbaycan qanunvericiliyinə görə, bu tikintinin aparılmasının ikinci mərhələsi müvafiq icra hakimiyyəti orqanları tərəfindən sərəncamla təsbit olunmalı idi.
Tikinti sənədləri, onun sxemi, layihəsi, müvafiq icra hakimiyyətləri tərəfindən təsdiq edilməli idi. Bunlar yoxdursa, həmin tikililər hansı formasından asılı olmayaraq qanunsuzdur”, - deyə F.Ağamalı bildirib.
Qeyd edək ki, Əmlak Məsələləri Dövlət Komitəsinin mətbuat xidmətinin rəhbəri Qulu Xəlilov “Report”a açıqlamasında qanunsuz tikilən evlərə görə kompensasiyanın verilməyəcəyini söyləyib.
Deputat oxu.az-a açıqlamasında deyib ki, Əmlak Məsələləri Dövlət Komitəsinin kompensasiyanın verilməməsi ilə bağlı yanaşması tamamilə doğrudur.
Parlament üzvü hesab edir ki, qanunsuz tikililərə görə onların sahiblərinə kompensasiya ödənilməsi düzgün deyil. Lakin o, istisnaların da mövcud olduğunu deyib:
“Ola bilsin, bir sıra sahələr, yerlər var ki, orada bələdiyyələrin verdiyi sənədlər əsasında tikinti işləri aparılıb. Ancaq bunlar rəsmiləşdirilməyib. Ölkə Prezidentinin müvafiq tapşırığına uyğun olaraq həmin tikililər sənədləşdirilməlidir.
Bununla yanaşı, infrastrukturun yaradılması, yolların genişləndirilməsi, dövlətin strateji planının tərkib hissəsi olan bu və ya digər tikililərin aparılması ilə bağlı söküntü işləri həyata keçirilərkən sənədləri olanlara kompensasiya veriləcək. Ancaq qanunsuz tikili aparanlara hər hansı şəkildə kompensasiya verilməli deyil”, - deyə F.Ağamalı əlavə edib.
Deputatın sözlərinə görə, hətta elə hallar var ki, orada heç bələdiyyənin arayışı və qərarı olmadan tikinti aparılıb:
“Belə tikililərə görə kompensiyanın verilməsi gözlənilən deyil. Buna görə də Əmlak Məsələləri Dövlət Komitəsinin yanaşması tamamilə qanunauyğundur”.
Parlamentin komitə üzvü “Bəs heç bir icazə almadan necə tikili tikmək olar?” sualına da aydınlıq gətirib.
“İcazəni verən rəsmi qurumlar var. Məsələn, bu, bələdiyyə torpağıdırsa, orada tikintinin aparılması perspektiv kimi nəzərdə tutulubsa, bələdiyyənin qərarı əsasında tikintinin aparılmasına icazə verilir. Lakin Azərbaycan qanunvericiliyinə görə, bu tikintinin aparılmasının ikinci mərhələsi müvafiq icra hakimiyyəti orqanları tərəfindən sərəncamla təsbit olunmalı idi.
Tikinti sənədləri, onun sxemi, layihəsi, müvafiq icra hakimiyyətləri tərəfindən təsdiq edilməli idi. Bunlar yoxdursa, həmin tikililər hansı formasından asılı olmayaraq qanunsuzdur”, - deyə F.Ağamalı bildirib.
Qeyd edək ki, Əmlak Məsələləri Dövlət Komitəsinin mətbuat xidmətinin rəhbəri Qulu Xəlilov “Report”a açıqlamasında qanunsuz tikilən evlərə görə kompensasiyanın verilməyəcəyini söyləyib.
