Qazaxıstanda saxlanılan məşhur azərbaycanlı reper Navai (Nəvai Bəkirov) dindirilmə zamanı narkotik vasitələri Qırğızıstanın paytaxtı Bişkek şəhərində əldə etdiyini etiraf edib.

Bu barədə "Baza" "Telegram" kanalı Qazaxıstan Daxili İşlər Nazirliyinə istinadən məlumat yayıb.

Musiqiçinin saxlanıldığı "Qorday" sərhəd-keçid məntəqəsindən verilən məlumata görə, reperin menecerinin əl çantasında təxminən 10 qram qadağan olunmuş maddə tapılıb. Yaxın vaxtlarda məhkəmə sənətçi barəsində qətimkan tədbirini müəyyən edəcək.

Qeyd edək ki, Qazaxıstanda narkotik maddələrin qaçaqmalçılığı ittihamı ilə reperi 5 ilədək həbs cəzası gözləyə bilər.

* * * * *

Rusiyada və postsovet məkanında məşhur olan azərbaycanlı müğənni Navai (Nəvai Bəkirov) Qazaxıstanda saxlanılıb. O, narkotik maddələrin qaçaqmalçılığında şübhəli bilinir.

Median.Az bu barədə "Tengri Life" nəşrinə istinadən xəbər verir.

Polisin verdiyi məlumata görə, ifaçı oktyabrın 13-də Qazaxıstana daxil olarkən "Qorday" sərhəd keçid məntəqəsində saxlanılıb. Əməliyyat polislər və sərhədçilər tərəfindən birgə həyata keçirilib. İfaçının olduğu avtomobilə baxış keçirilərkən nəqliyyat vasitəsindən narkotik vasitə aşkar edilərək götürülüb.

"Narkotik vasitələrin qaçaqmalçılığına cəhd şübhəsi ilə cinayət işi qaldırılıb. Şübhəli şəxs müvəqqəti saxlanma təcridxanasına yerləşdirilib", - deyə polis idarəsindən bildirilib.

Oktyabrın 14-də müğənninin Astanada konserti keçirilməli idi. Lakin tədbir ləğv edilib. Təşkilatçılar bunu rəsmi olaraq texniki səbəblərlə izah ediblər.
скачать dle 11.3