Nizami rayonu ərazisində yerləşən "Diqlas" ticarət mərkəzinin söküntü işləri artıq başa çatmaq üzrədir.
Median.Az-ın Sputnik Azərbaycan-a istinadən xəbərinə görə, artıq ticarət mərkəzinin ikinci mərtəbəsinin söküntü işləri başa çatıb. Hazırda ticarət mərkəzinin sonuncu mərtəbəsinin söküntü işləri aparılır. Fövqəladə Hallar Nazirliyi tərəfindən həyata keçirilən bu işlərin yaxın günlərdə yekunlaşacağı gözlənilir.
Xatırladaq ki, bu ilin martın 26-da paytaxtın Nizami rayonu ərazisində yerləşən böyük ticarət mərkəzlərindən biri olan "Diqlas"da yanğın baş vermişdi. Nəticədə 400-dən artıq şəxsə maddi ziyan dəymişdi. Prezidentin sərəncamına əsasən, yanğınla bağlı komissiya yaradılıb, zərərçəkmişlərə maddi yardım məqsədilə ölkə başçısının ehtiyat fondundan İqtisadiyyat Nazirliyinə ilkin olaraq 3 milyon manat vəsait ayrılıb və yanğından zərərçəkənlərə kompensasiya ödənilib.
Şahidi olduğunuz hadisələri çəkib bizə göndərin!
Son Əlavə