Ölkəyə silah-sursat gətirilməsinin qarşısı alındı

Gömrükçülər narkotik vasitə və silah-sursatın gömrük orqanına bəyan olunmadan ölkə ərazisinə gətirilməsinin qarşısını alıblar.

Dövlət Gömrük Komitəsindən verilən məlumata görə, Qərb Ərazi Baş Gömrük İdarəsinin “Mazımçay” gömrük postunda Gürcüstandan gələn Rusiya Federasiyası vətəndaşının idarə etdiyi “Ford Mondeo” markalı minik avtomobilinə baxış keçirilib.

Yoxlama zamanı öncə avtomobilin yük yerindəki sellofan bükülünün içində bor ədəd kabura ilə birlikdə bıçaq və bor ədəd “Kenwood” markalı, LB-75L model ratsiya aşkar olunub. Sonra yük yerində, ehtiyat təkərin yanında sellofana bükülmüş siqaret qutusunda 20 qram narkotik vasitə-marixuana aşkar edilib.

Daha sonra avtomobilin salonunda, cihazlar panelinin sağ hissəsindəki sandıqçada isə üzərində “Maqnum; патрон 9 mm травматический” markalanma yazısı olan 23 ədəd patron və bir ədəd tapança tapılıb.

Faktla bağlı araşdırma aparılır.скачать dle 11.3

Şahidi olduğunuz hadisələri çəkib bizə göndərin!