Sumqayıtda silsilə oğurluqlar törədən şəxslər tutulub

Median.Az xəbər verir ki, Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində avqustun 21-dən sentyabrın 5-dək olan müddətdə, şəhər ərazisindəki 6 evdən inşaat materialları və məişət əşyaları oğurlayan Corat qəsəbə sakini, əvvəllər məhkum olunmuş Cavid Şirməmmədov saxlanılıb.

Bundan başqa, Sumqayıt ŞPİ 4-cü polis bölməsinin əməkdaşları keçirdikləri əməliyyat-axtarış tədbirləri nəticəsində martın 24-dən avqustun 31-dək olan müddətdə, şəhər ərazisindəki 1 evdən 2 ədəd qızıl diş, 1 avtomobildən maqnitofon, səsgücləndiricilər, videoqeydiyyat qurğusu, 1 mağazadan spirtli içki və tütün məmulatı oğurlayan Köhnə Corat qəsəbə sakini, əvvəllər məhkum olunmuş Mahmud Orucovu saxlayıblar.

Sumqayıt ŞPİ İstintaq şöbəsində CM-nin 177.2.2-ci (oğurluq, təkrar törədildikdə) maddəsi ilə cinayət işləri başlanılıb.