Median.Az xəbər verir ki, Sumqayıt ŞPİ əməkdaşlarının keçirdikləri əməliyyat-axtarış tədbirləri nəticəsində oktyabrın 10-da şəhər ərazisində “VAZ-2106” markalı avtomobildən inşaat materialları oğurlayan şəhər sakini, əvvəllər məhkum olunmuş Gündüz Aydınov saxlanılıb.

Aparılmış tədbirlərlə onun bu il aprelin 21-dən dekabrın 4-dək olan müddətdə şəhər ərazisindəki 3 evdən məişət əşyaları və inşaat materialları, habelə 1 qadının çantasından 90 manat oğurlaması müəyyən edilib.

Bundan başqa, Sumqayıt ŞPİ 2-ci polis bölməsi əməkdaşlarının keçirdikləri əməliyyat-axtarış tədbirləri nəticəsində bu ilin yanvar-may aylarında, şəhər ərazisindəki 3 evdən su mühərriki, təmir-tikinti alətləri, habelə 2 avtomobildən akkumulyator oğurlayan şəhər sakini, əvvəllər məhkum olunmuş Azər Daşdəmirov saxlanılıb.

Sumqayıt ŞPİ 2-ci polis bölməsi əməkdaşlarının keçirdikləri əməliyyat-axtarış tədbirləri nəticəsində bu ilin yanvar-oktyabr aylarında, şəhər ərazisindəki 1 evdən, 2 həyətyanı sahədən və 2 avtomobildən pul, məişət əşyaları və ev quşu oğurlayan şəhər sakini İlqar Məmmədyarov saxlanılıb.

Sumqayıt ŞPİ 3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində bu ilin fevral-dekabr ayları ərzində, şəhər ərazisindəki gözəllik salonundan
60 manat pul, hazırlıq kursundan televizor və kompyuter, 2 avtomobildən 60 manat pul, tütün məmulatı, bankomat kartı və audiodisklər, 2 evdən 4 ev quşu və su mühərriki, şəhər sakini olan 1 nəfərin mobil telefonunu, bir nəfərin çantasından pul və sənədlərini, iaşə obyeklərindən birindən elektrik avtomat qoruyucusunu oğurlayan Corat qəsəbə sakini, əvvəllər məhkum olunmuş Ağami Ağayev saxlanılıb.

Faktlarla bağlı CM-nin 177.2.2-ci (oğurluq, təkrar törədildikdə) maddəsi ilə cinayət işləri başlanılıb.скачать dle 11.3