Şeyx: Zəncir vurmağa İmam Hüseyn də razı olmazdı

Aşura günündə baş yarmaq, zəncir vurmaq olmamalıdır.

Bunu Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə qanvermə aksiyasında jutnalistlərə açıqlamasında bildirib.

Onun sözlərinə görə, bu gün ədalətin bərpa olunan və şəhidlərin yad olunduğu gündür:

“Bütün Azərbaycan və dünya müsəlmanlarına aşsağlığı verirəm. Artıq illərdir ki, bu gün qanvermə aksiyası keçirilir. Biz qan verməklə başqalarına can veririk. Bununla İmam Hüseyn vəsiyyətinə əməl edirik. Aşura günü baş yarmaq, zəncir vurmaq olmasa, yaxşıdır. Buna İmam Hüseyn də razı olmazdı”.

QMİ sədri bildirib ki, bu gün Azərbaycanda qəbul edilən fitvalar məhdudiyyət kimi təqdim edilir:

“Bizim fitvamız uşaqlarla bağlı məqəmlara da toxunub. Yaxşını-pisi bilməyən uşaq məscidə gətirilməməlidir. Azərbaycanda bu günün qeyd edilməsi ilə bağlı məhdudiyyət yoxdur. Baxmayaraq ki, verdiyimiz fitvanı məhdudiyyət kimk qəbul edirlər. Prezident İlham Əliyev dindarlar üçün şərait yaradıb.

Keçən il Hacıcavad məscidi tikildi, bu yaxınlarda prezidentlə məsləhətləşdik və Fatimeyi-Zəhra məscidini prezidentin öz vəsaiti hesabına inşa etdirmək istəyirik. Məhərrəmlikdən sonra tikintiyə başlanılacaq. Azərbaycanda başqa dinlərə olan münasibət yüksək səviyyədədir. Kilsələr təmir olunur. Bunlar dini münasibətlərin yüksək olmasının göstəricisidir”.//oxu.az