Sumqayıtda quldurluq edən iki qardaş saxlanılıb

Median.Az xəbər verir ki, ötən gün saat 15 radələrində Sumqayıt şəhəri ərazisində, naməlum şəxslər şəhər sakini R.Şirinovu bıçaqla hədələyib ondan kondisionerlərin qazla doldurulmasında istifadə edilən 2 ədəd balonu alıblar.

Sumqayıt ŞPİ 3-cü polis bölməsinin əməkdaşları keçirdikləri əməliyyat-axtarış tədbirləri nəticəsində Bakı şəhər sakinləri Hüseyn Həsənəlizadəni və qardaşı İsmayılı saxlayıblar.

Sumqayıt ŞPİ İstintaq şöbəsində CM-nin 181.2.1-ci (quldurluq, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb.

Область прикрепленных файлов