Bakı Ağır Cinayətlər Məhkəməsində Bakı şəhər sakini Şahin Bədəlovun CM-nin 181.2.5-ci (quldurluq,silah və ya silah qismində istifadə edilən əşyaları tətbiq etməklə törədildikdə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
Median.Az xəbər verir ki, ötən ilin dekabr ayında Pirşağı qəsəbəsində Şahin Bədəlov Bakı şəhər sakini Sərdar Məmmədova məxsus mağazaya gələrək, quldurluq yolu ilə kassadan 100 manat pulu alıb. Sabunçu RPİ 15-ci polis bölməsi əməkdaşlarının keçirdikləri əməliyyat-axtarış tədbirləri nəticəsində cinayəti törədən əvvəllər məhkum olunmuş Ş.Bədəlov tutulub.
Məhkəmənin hökmü ilə təqsirləndirilən şəxs 9 il 6 ay müddətinə azadlıqdan məhrumetmə cəzasına məhkum olunub.
Şahidi olduğunuz hadisələri çəkib bizə göndərin!
Son Əlavə