Bakı Ağır Cinayətlər Məhkəməsində Bakı şəhər sakini Elçin Nəcəfov və Babək rayon sakini Xaliq Mustafayevin CM-nin 120.2.2-ci (xuliqanlıq niyyəti ilə qəsdən adam öldürmə), 221.2.1-ci (xuliqanlıq, bir qrup şəxs tərəfindən törədildikdə) və 221.3-cü (xuliqanlıq, silah ya silah qismində istifadə olunan əşyalardan istifadə etməklə törədildikdə) maddələri ilə təqsirləndirilməsinə dair cinayət işi üzrə məhkəmə prosesi başa çatıb.
Median.Az xəbər verir ki, 2018-ci il avqustun 10-da Biləcəri qəsəbəsində yerləşən "Aşıqlar" kafesinin həyətində naməlum şəxs Bakı şəhər sakini Cavid Həmzəyevi döyüb. Nəticədə zərərçəkmiş xəstəxanaya aparılarkən yolda kəskin qanitirmədən vəfat edib. Binəqədi RPİ və 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində paytaxt sakini Elçin Nəcəfov və əvvəllər məhkum olunmuş Xaliq Mustafayev saxlanılıblar.
İlkin məlumata görə, mübahisə, daha sonra kütləvi dava kafedə musiqi sifarişi üstündə düşüb.
Məhkəmənin hökmü ilə E.Nəcəfov 19 il, X.Musatafayev 4 il müddətinə azadlıqdan məhrumetmə cəzalarına məhkum olunublar.
Şahidi olduğunuz hadisələri çəkib bizə göndərin!
Son Əlavə