Mental dəyərlər, yoxsa qanun? - Məşhur hotel azərbaycanlıları niyə təhqir edir?
Azərbaycanın məşhur “Sapphire Marine” hoteli vətəndaşlarımızı təhqir edib.
Belə ki, hotel rəhbərliyi Azərbaycan vətəndaşlarından hoteldə qalmaq üçün nikah haqqında şəhadətnamə tələb edir.
Turizm üzrə ekspert Ruslan Quliyev oxu.az-a açıqlamasında deyib ki, Azərbaycanda bəzi hotellərdə nikah şəhadətnaməsinin istənilməsi insan hüquqlarının məhdudlaşdırılması deməkdir:
“Bu, neqativ haldır. Burada diskriminasiya və insanların işinə qarşımaq faktları var. Azərbaycan vətəndaşının şəxsiyyət vəsiqəsi ilə mehmanxanaya, hotelə daxil olub, gecələmək hüquq var.
Hotellər vətəndaşlarımızdan əlavə sənəd istəmədən onlara orada qalmağa icazə verməlidir”.
Ekspert bildirib ki, məsələ barədə faktlar əvvəllər də aşkarlanıb:
“Bu barədə keçmiş Mədəniyyət və Turizm Nazirliyi tərəfindən Bakıda və regionlarda yerləşən hotel sahibləri ilə dəfələrlə görüşlər keçirilib. Onlara bu cür qadağaların qanunsuz olduğu izah edilib. Azərbaycanda rast gəlinən belə hallar dünyada bir ilkdir”.
Ruslan Quliyev qeyd edib ki, məsələ barədə əlaqədar strukturlar ölçü götürməlidir.
Bəs, hotelə gedən cütlüklərdən nikah kağızının tələb edilməsi qanunidirmi?
Vəkil Xəyal Bəşirovun sözlərinə görə, qanunvericilikdə istirahət mərkəzləri, hotellərə daxil olan zaman nikah şahadətnaməsinin tələb edilməsi yoxdur:
“Sadəcə, hotel rəhbərləri insan alverinə qarşı mübarizə üçün bu addımı atır ki, insanlarda məsuliyyət artsın. Aydın məsələdir ki, rəsmi nikah yoxdursa, cütlüklər hansı məqsədlə hoteldə bir nömrədə qalır. Amma qanunvericilikdə belə bir qadağa yoxdur”.
Vəkil bildirib ki, cütlüklərdən nikah şəhadətnaməsi tələb etmək insan hüquqlarına ziddir:
“Sadəcə, yetkinlik yaşına çatmayan insanlarla hotelə daxil olmaq cinayətdir. Onun fərqi yoxdur ki, özü istəyir, yoxsa yox. Öz iradəsinə zidd olması isə tamam başqa maddədir.
Hər ikisi yetkinlik yaşına çatan şəxslər könüllü şəkildə bir yerdə qalmaq istəyirsə, kimsə buna qarışa bilməz. Onların istirahət hüquqlarını pozmaq qanunsuzdur”.
Xəyal Bəşirov qeyd edib ki, qanunda bu qadağaları tətbiq edən hotel sahiblərinə qarşı cərimə nəzərdə tutulmayıb.
Məsələ ilə əlaqədar olaraq “Sapphire Marine” hoteli ilə əlaqə saxlasaq da, sualımıza cavab verən olmadı.
Belə ki, hotel rəhbərliyi Azərbaycan vətəndaşlarından hoteldə qalmaq üçün nikah haqqında şəhadətnamə tələb edir.
Turizm üzrə ekspert Ruslan Quliyev oxu.az-a açıqlamasında deyib ki, Azərbaycanda bəzi hotellərdə nikah şəhadətnaməsinin istənilməsi insan hüquqlarının məhdudlaşdırılması deməkdir:
“Bu, neqativ haldır. Burada diskriminasiya və insanların işinə qarşımaq faktları var. Azərbaycan vətəndaşının şəxsiyyət vəsiqəsi ilə mehmanxanaya, hotelə daxil olub, gecələmək hüquq var.
Hotellər vətəndaşlarımızdan əlavə sənəd istəmədən onlara orada qalmağa icazə verməlidir”.
Ekspert bildirib ki, məsələ barədə faktlar əvvəllər də aşkarlanıb:
“Bu barədə keçmiş Mədəniyyət və Turizm Nazirliyi tərəfindən Bakıda və regionlarda yerləşən hotel sahibləri ilə dəfələrlə görüşlər keçirilib. Onlara bu cür qadağaların qanunsuz olduğu izah edilib. Azərbaycanda rast gəlinən belə hallar dünyada bir ilkdir”.
Ruslan Quliyev qeyd edib ki, məsələ barədə əlaqədar strukturlar ölçü götürməlidir.
Bəs, hotelə gedən cütlüklərdən nikah kağızının tələb edilməsi qanunidirmi?
Vəkil Xəyal Bəşirovun sözlərinə görə, qanunvericilikdə istirahət mərkəzləri, hotellərə daxil olan zaman nikah şahadətnaməsinin tələb edilməsi yoxdur:
“Sadəcə, hotel rəhbərləri insan alverinə qarşı mübarizə üçün bu addımı atır ki, insanlarda məsuliyyət artsın. Aydın məsələdir ki, rəsmi nikah yoxdursa, cütlüklər hansı məqsədlə hoteldə bir nömrədə qalır. Amma qanunvericilikdə belə bir qadağa yoxdur”.
Vəkil bildirib ki, cütlüklərdən nikah şəhadətnaməsi tələb etmək insan hüquqlarına ziddir:
“Sadəcə, yetkinlik yaşına çatmayan insanlarla hotelə daxil olmaq cinayətdir. Onun fərqi yoxdur ki, özü istəyir, yoxsa yox. Öz iradəsinə zidd olması isə tamam başqa maddədir.
Hər ikisi yetkinlik yaşına çatan şəxslər könüllü şəkildə bir yerdə qalmaq istəyirsə, kimsə buna qarışa bilməz. Onların istirahət hüquqlarını pozmaq qanunsuzdur”.
Xəyal Bəşirov qeyd edib ki, qanunda bu qadağaları tətbiq edən hotel sahiblərinə qarşı cərimə nəzərdə tutulmayıb.
Məsələ ilə əlaqədar olaraq “Sapphire Marine” hoteli ilə əlaqə saxlasaq da, sualımıza cavab verən olmadı.
