Sabahdan etibarən Azərbaycanda ov mövsümünə start verilir.
Bunu bu gün keçirilən mətbuat konfransında Ekologiya və Təbii Sərvətlər Nazirliyinin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktor müavini Hikmət Əlizadə deyib.
H.Əlizadə bildirib ki, ov mövsümü 2019-cu il, martın 16-na qədər davam edəcək:
“Şənbə və bazar günləri ov etməyə icazə veriləcək. İnsanlar ovçuluq təsərrüfatı sahələrində və nazirliyin müəyyən etdiyi ərazilərdə ov edə bilərlər. Qanunvericilik əcnəbilərin Azərbaycandakı ova icazə verilən bölgələrdə ova çıxmasına icazə verir. Bir şərtlə ki, onlar qanunlardan kənara çıxmasınlar.”
O vurğulayıb ki, yerli və xarici vətəndaşlar üçün rüsum eynidir. Əcnəbilər daha çox qaban və çöl quşları ovlamağa üstünlük verirlər.
Şahidi olduğunuz hadisələri çəkib bizə göndərin!
Son Əlavə