Lənkəranda avtomobil təmiri sexində dəmirçi işləyən usta satın aldığı ikitəkərli motoblok adlandırılan təsərrüfat texnikasına dəyişikliklər edərək, mini traktor düzəldib.
Median.Az Xəzər TV-yə istinadən məlumat verir ki, bu mini traktor 10 saata cəmi 4 litr yanacaq işlətməklə daha çox iş görmə potensialına malikdir.
Zavod istehsalı olan və əl ilə idarə olunan kiçik texnikanın funksiyasını dəyişdirərək, mini traktor düzəldib.
Lənkəran sakini Novruzəli Nobatovun düzəltdiyi bu texnika 10 qat artıq iş görür..
25 ildir avtomobil təmir sexində dəmirçi işləyən usta təsərrüfat işlərində istifadə olunan və əl ilə idarə edilən ikitəkərli texnikanı mini traktora çevirib. O, əlavə detallar kimi "Jiquli" avtomobilinin ehtiyat hissələrindən istifadə edib.
İndi bu texnika daha çox iş görür. Əsasən də kartof sahələrində əlavə avadanlıqlar qoşmaqla ondan daha səmərəli istifadə etmək mümkündür.
Kənd təsərrüfatı texnikası 10 saata cəmi 4 litr yanacaq işlədir. Novruzəli Nobatov sözlərinə görə, mini traktoru hazırlanmasına 1000 manata qədər pul xərcləyib. Usta texnikanı daha da təkmilləşdirmək niyyətindədir.
Şahidi olduğunuz hadisələri çəkib bizə göndərin!
Son Əlavə