Ermənistan Azərbaycan və Türkiyədən elektrik enerjisi alacaq
Ermənistan ehtiyac yaranarsa, qarşılıqlı olaraq elektrik enerjisi ala bilmək üçün enerji sistemlərinin Azərbaycanla birləşdirilməsi variantlarını müzakirə edir.
Median.Az Ermənistan mediasına istinadən xəbər verir ki, bu barədə Ermənistanın ərazi idarəetməsi və infrastruktur naziri David Xudatyan məlumat verib.
Nazirin sözlərinə görə, mövcud infrastrukturun vəziyyətinin öyrənilməsi göstərib ki, nisbətən kiçikhəcmli investisiyalarla onu istismara tam hazır vəziyyətə gətirmək mümkündür.
Qars-Gümrü dəmir yolu infrastrukturu ilə bağlı da oxşar yanaşma nəzərdən keçirilir ki, bu da Ermənistana Türkiyədən elektrik enerjisi almağa və ya öz artıq enerjisini bu ölkəyə satmağa imkan verəcək.
Xudatyan qeyd edib ki, Ermənistanda əvvəllər elektrik enerjisi artıqlığı mövcud idi, baxmayaraq ki, bəzi fəsillərdə ölkə Gürcüstandan elektrik enerjisi alırdı. Lakin süni intellektlə bağlı müəssisələrdən gələn artan tələbat istehsal olunan bütün elektrik enerjisinin sərf olunmasına gətirib çıxara bilər. Nəticədə, qonşu ölkələrdən elektrik enerjisi almaq zərurətini istisna etmək olmaz.
Azərbaycanla enerji sahəsində əməkdaşlıq ehtimalını Metsamor atom elektrik stansiyasının (AES) baş direktoru Eduard Martirosyan da təsdiqləyib. Moskvada keçirilən "Rusiya Enerji Həftəsi" forumunda çıxış edən baş direktor qeyd edib ki, Ermənistan hazırda İran və Gürcüstanla enerji sektorunda əməkdaşlığı inkişaf etdirir, gələcəkdə isə Azərbaycanla da qarşılıqlı əlaqələrin qurulmasını planlaşdırır.
Median.Az Ermənistan mediasına istinadən xəbər verir ki, bu barədə Ermənistanın ərazi idarəetməsi və infrastruktur naziri David Xudatyan məlumat verib.
Nazirin sözlərinə görə, mövcud infrastrukturun vəziyyətinin öyrənilməsi göstərib ki, nisbətən kiçikhəcmli investisiyalarla onu istismara tam hazır vəziyyətə gətirmək mümkündür.
Qars-Gümrü dəmir yolu infrastrukturu ilə bağlı da oxşar yanaşma nəzərdən keçirilir ki, bu da Ermənistana Türkiyədən elektrik enerjisi almağa və ya öz artıq enerjisini bu ölkəyə satmağa imkan verəcək.
Xudatyan qeyd edib ki, Ermənistanda əvvəllər elektrik enerjisi artıqlığı mövcud idi, baxmayaraq ki, bəzi fəsillərdə ölkə Gürcüstandan elektrik enerjisi alırdı. Lakin süni intellektlə bağlı müəssisələrdən gələn artan tələbat istehsal olunan bütün elektrik enerjisinin sərf olunmasına gətirib çıxara bilər. Nəticədə, qonşu ölkələrdən elektrik enerjisi almaq zərurətini istisna etmək olmaz.
Azərbaycanla enerji sahəsində əməkdaşlıq ehtimalını Metsamor atom elektrik stansiyasının (AES) baş direktoru Eduard Martirosyan da təsdiqləyib. Moskvada keçirilən "Rusiya Enerji Həftəsi" forumunda çıxış edən baş direktor qeyd edib ki, Ermənistan hazırda İran və Gürcüstanla enerji sektorunda əməkdaşlığı inkişaf etdirir, gələcəkdə isə Azərbaycanla da qarşılıqlı əlaqələrin qurulmasını planlaşdırır.
