Müdafiə Nazirliyində mənimsənilmiş dövlət vəsaitinin 12 milyon manatını general qaytarıbmış
Müdafiə Nazirliyində mənimsənilmiş ümumilikdə 160 milyon manat dövlət vəsaitinin nə qədərinin ödənildiyi məlum olub.
Median.Az "Qafqazinfo"ya istinadən xəbər verir ki, təqsirləndirilən şəxslər tərəfindən ümumilikdə 41 milyon manata yaxın mənimsənilmiş vəsait dövlətə geri qaytarılıb. Bu məbləğin 38 milyon manatı ibtidai, iki milyon manatdan bir az artıq hissəsi birinci və apellyasiya məhkəməsi dövründə ödənilib.
Dövlətə vurulmuş ziyanın 12 milyon manatını Müdafiə Nazirliyinin Maliyyə və Büdcə İdarəsinin keçmiş rəisi, 11 il 6 ay azadlıqdan məhrum edilmiş general-mayor Nizami Məmmədov ödəyib. Qalan hissə isə digər təqsirləndirilən şəxslərin hesabına qaytarılıb.
Bundan əlavə, cinayət işi üzrə təqsirli bilinən şəxslərin əmlakı dövlət xeyrinə müsadirə edilib.
Apellyasiya baxışının son iclasında Hərbi Dəniz Qüvvələrinin Maliyyə Xidmətinin sabiq rəisi Vüsal Əlizadə deyib ki, həbsdən azad olunacaqları halda dövlətə dəymiş ziyanın özlərinə düşən qalan hissəsini də ödəməyə hazırdırlar. 10 il 6 aylıq azadlıqdan məhrum edilən Əlizadə artıq dörd ildən çoxdur cəza çəkir. O, həbsdə qalmaqdansa, dövlətə dəymiş ziyanın ödənilməsinin vacib olduğunu deyərək azad olunmasını xahiş edib.
Bakı Apellyasiya Məhkəməsi yekun qərarında zabitlərin şikayətlərini təmin etməyib. Onların həbsinin davamına qərar verilib.
Məhkum edilmiş şəxslərin bu qərardan kassasiya şikayəti verəcəkləri bildirilir. Son qərarı Ali Məhkəmə verəcək.
Qeyd edək ki, ziyanın 143 milyon manatlıq hissəsi general Nizami Məmmədova və qoşun növlərinin rəislərinə, bir qismi isə daha əvvəl məhkum edilmiş zabitlərə və işdə adıçəkilən digər şəxslərə aiddir.
Median.Az "Qafqazinfo"ya istinadən xəbər verir ki, təqsirləndirilən şəxslər tərəfindən ümumilikdə 41 milyon manata yaxın mənimsənilmiş vəsait dövlətə geri qaytarılıb. Bu məbləğin 38 milyon manatı ibtidai, iki milyon manatdan bir az artıq hissəsi birinci və apellyasiya məhkəməsi dövründə ödənilib.
Dövlətə vurulmuş ziyanın 12 milyon manatını Müdafiə Nazirliyinin Maliyyə və Büdcə İdarəsinin keçmiş rəisi, 11 il 6 ay azadlıqdan məhrum edilmiş general-mayor Nizami Məmmədov ödəyib. Qalan hissə isə digər təqsirləndirilən şəxslərin hesabına qaytarılıb.
Bundan əlavə, cinayət işi üzrə təqsirli bilinən şəxslərin əmlakı dövlət xeyrinə müsadirə edilib.
Apellyasiya baxışının son iclasında Hərbi Dəniz Qüvvələrinin Maliyyə Xidmətinin sabiq rəisi Vüsal Əlizadə deyib ki, həbsdən azad olunacaqları halda dövlətə dəymiş ziyanın özlərinə düşən qalan hissəsini də ödəməyə hazırdırlar. 10 il 6 aylıq azadlıqdan məhrum edilən Əlizadə artıq dörd ildən çoxdur cəza çəkir. O, həbsdə qalmaqdansa, dövlətə dəymiş ziyanın ödənilməsinin vacib olduğunu deyərək azad olunmasını xahiş edib.
Bakı Apellyasiya Məhkəməsi yekun qərarında zabitlərin şikayətlərini təmin etməyib. Onların həbsinin davamına qərar verilib.
Məhkum edilmiş şəxslərin bu qərardan kassasiya şikayəti verəcəkləri bildirilir. Son qərarı Ali Məhkəmə verəcək.
Qeyd edək ki, ziyanın 143 milyon manatlıq hissəsi general Nizami Məmmədova və qoşun növlərinin rəislərinə, bir qismi isə daha əvvəl məhkum edilmiş zabitlərə və işdə adıçəkilən digər şəxslərə aiddir.
