İki nəfərin öldüyü “Şəki yaylası”nın rəhbəri məsuliyyətə cəlb oluna bilər
Şəki yaylasında iki nəfərin hündürlükdən yıxılaraq ölməsi ilə bağlı araşdırma aparılır. Hadisə bu gün baş verib. İlkin məlumata görə, Qax rayon sakinləri 30 yaşlı Məmmədov Coşqun Ceyhun oğlu və 27 yaşlı Bayramov Ucal Asif oğlu istirahət mərkəzinin ərazisində hündürlükdən yıxılaraq həyatlarını itiriblər. Hazırda hadisənin başvermə səbəbləri və yıxılmanın hansı şəraitdə baş verdiyi araşdırılır. Məsələnin diqqət çəkən tərəflərindən biri də istirahət mərkəzində təhlükəsizlik qaydalarına əməl olunub-olunmamasıdır. Belə hallarda obyekt sahibinin və ya məsul şəxslərin təhlükəsizlik tədbirlərini lazımi səviyyədə təmin edib-etməməsi hüquqi baxımdan araşdırma predmeti ola bilər. Araşdırma zamanı səhlənkarlıq və ya təhlükəsizlik qaydalarının pozulması nəticəsində ölümə səbəb olunduğu müəyyənləşdirilərsə, təqsirli şəxslərin qanunvericiliyə uyğun cinayət məsuliyyətinə cəlb olunması məsələsinə baxıla bilər.
Bununla bağlı hüquqşünas Əkrəm Həsənov Median.Az-a açıqlamasında deyib ki, bu hallar konkret araşdırılmalıdır:
“Yəni orada trosdan istifadə olunubsa, ilk növbədə təhlükəsizlik qaydalarının olub-olmamasına baxılmalıdır. Birinci məsələ budur ki, qaydalar mövcuddur, yoxsa yoxdur? Qaydalar təsdiq olunub, yoxsa yoxdur? Həmçinin həmin trosu gün ərzində bağlayan və açan müvafiq işçilər bu qaydalarla tanış ediliblər, ya yox? Buna görə obyektin sahibi, direktoru və digər məsul şəxslər cavabdehlik daşıyırlar. Əgər bunu etməyiblərsə, onların məsuliyyətə cəlb olunması məsələsi gündəmə gələ bilər. Yox, əgər onlar öz vəzifələrini yerinə yetiriblərsə, yəni müvafiq qaydaları işçilərə izah ediblərsə, amma işçilər həmin qaydaları pozublarsa, bu halda artıq işçilərin öz məsuliyyəti yaranır. Hansı ki, onlar gündəlik olaraq orada işləyirlər və həmin qaydalara riayət etməlidirlər".
O qeyd edib ki, burada ehtiyatsızlıq, texniki təhlükəsizlik qaydalarına riayət etməmə, səhlənkarlıq və digər hallar məsələsi gündəmə gəlir:
"Buna görə, azadlıqdan məhrumetmə cəzası da nəzərdə tutulur. Amma hazırda konkret olaraq araşdırılmalıdır ki, kimin günahı varsa, həmin şəxs də məsuliyyətə cəlb olunmalıdır. Azərbaycan Respublikası Cinayət Məcəlləsinin 162.2-ci maddəsinə əsasən, əmək mühafizəsi qaydalarının pozulması ehtiyatsızlıqdan insan ölümünə səbəb olduqda, 5 ilədək azadlıqdan məhrumetmə cəzası nəzərdə tutulur. Hadisənin tikinti işləri zamanı baş verdiyi müəyyən edilərsə, Cinayət Məcəlləsinin 222-ci maddəsinin müvafiq müddəaları da tətbiq oluna bilər. Bu halda insan ölümünə səbəb olan təhlükəsizlik qaydalarının pozulmasına görə 4 ildən 7 ilədək azadlıqdan məhrumetmə cəzası nəzərdə tutulur”.
Aysel
Bununla bağlı hüquqşünas Əkrəm Həsənov Median.Az-a açıqlamasında deyib ki, bu hallar konkret araşdırılmalıdır:
“Yəni orada trosdan istifadə olunubsa, ilk növbədə təhlükəsizlik qaydalarının olub-olmamasına baxılmalıdır. Birinci məsələ budur ki, qaydalar mövcuddur, yoxsa yoxdur? Qaydalar təsdiq olunub, yoxsa yoxdur? Həmçinin həmin trosu gün ərzində bağlayan və açan müvafiq işçilər bu qaydalarla tanış ediliblər, ya yox? Buna görə obyektin sahibi, direktoru və digər məsul şəxslər cavabdehlik daşıyırlar. Əgər bunu etməyiblərsə, onların məsuliyyətə cəlb olunması məsələsi gündəmə gələ bilər. Yox, əgər onlar öz vəzifələrini yerinə yetiriblərsə, yəni müvafiq qaydaları işçilərə izah ediblərsə, amma işçilər həmin qaydaları pozublarsa, bu halda artıq işçilərin öz məsuliyyəti yaranır. Hansı ki, onlar gündəlik olaraq orada işləyirlər və həmin qaydalara riayət etməlidirlər".
O qeyd edib ki, burada ehtiyatsızlıq, texniki təhlükəsizlik qaydalarına riayət etməmə, səhlənkarlıq və digər hallar məsələsi gündəmə gəlir:
"Buna görə, azadlıqdan məhrumetmə cəzası da nəzərdə tutulur. Amma hazırda konkret olaraq araşdırılmalıdır ki, kimin günahı varsa, həmin şəxs də məsuliyyətə cəlb olunmalıdır. Azərbaycan Respublikası Cinayət Məcəlləsinin 162.2-ci maddəsinə əsasən, əmək mühafizəsi qaydalarının pozulması ehtiyatsızlıqdan insan ölümünə səbəb olduqda, 5 ilədək azadlıqdan məhrumetmə cəzası nəzərdə tutulur. Hadisənin tikinti işləri zamanı baş verdiyi müəyyən edilərsə, Cinayət Məcəlləsinin 222-ci maddəsinin müvafiq müddəaları da tətbiq oluna bilər. Bu halda insan ölümünə səbəb olan təhlükəsizlik qaydalarının pozulmasına görə 4 ildən 7 ilədək azadlıqdan məhrumetmə cəzası nəzərdə tutulur”.
Aysel
