İş yerində baş verən hadisəyə görə işəgötürən həbs oluna bilər – Açıqlama
Bakının Sabunçu rayonunun Ramana qəsəbəsində 36 yaşlı Əlabbas Səməndər oğlu Niftalıyev kamera quraşdırdığı zaman elektrik cərəyanı vurması nəticəsində həyatını itirib. Hadisə iş prosesində baş verdiyi üçün burada əməyin mühafizəsi və təhlükəsizlik qaydalarına riayət olunması məsələsi də gündəmə gəlir. Belə hallarda qəzanın səbəblərinin araşdırılması və məsul şəxslərin müəyyən edilməsi mühüm əhəmiyyət daşıyır.
Bununla bağlı hüquqşünas Əkrəm Həsənov Median.Az-a açıqlamasında deyib ki, hadisə əmək funksiyalarının yerinə yetirilməsi zamanı baş verdiyi üçün işəgötürənin məsuliyyəti ola bilər:
“Bu məsələ bir neçə aspektdən araşdırılmalıdır. Əmək Məcəlləsinə əsasən, komissiya yaradılmalı və bir sıra suallara cavab verilməlidir. İlk növbədə, həmin işin işçinin əmək funksiyasına daxil olub-olmadığı, onun bu işi görməyə icazəsinin və müvafiq ixtisasının olub-olmadığı müəyyənləşdirilməlidir. Həmçinin işçinin texniki təhlükəsizlik qaydaları ilə bağlı təlimatlandırılıb-təlimatlandırılmadığı araşdırılmalıdır. Bundan əlavə, işçinin müvafiq alət və avadanlıqlarla təmin olunub-olunmadığı, avadanlıqların texniki tələblərə cavab verib-vermədiyi də müəyyənləşdirilməlidir. Araşdırma zamanı hansı məsələlərin işəgötürənin öhdəliyinə daxil olduğu dəqiqləşdirilməlidir. Əgər işəgötürənin üzərinə düşən öhdəliklərdən hər hansı biri yerinə yetirilməyibsə, onun məsuliyyəti yarana bilər. Yox, əgər avadanlıqda ciddi pozuntu olubsa və bu, vəzifələrin yerinə yetirilməməsi ilə bağlıdırsa, cinayət məsuliyyəti də yarana bilər. Belə halda şəxs 3 il, 5 il və ya qanunvericilikdə nəzərdə tutulan digər müddətə azadlıqdan məhrum edilə bilər. Əgər işəgötürən öz üzərinə düşən bütün tədbirləri həyata keçiribsə və hadisə işçinin öz səhvi nəticəsində baş veribsə, bu halda məsuliyyət məsələsi fərqli qiymətləndirilə bilər”.
O qeyd edib ki, həmçinin hadisənin üçüncü şəxsin hərəkətləri nəticəsində baş verməsi də mümkündür:
“İşəgötürənin məsuliyyəti inzibati, cinayət və mülki xarakter daşıya bilər. Pozuntu inzibati xəta təşkil edirsə, işəgötürən cərimə oluna bilər. Təhlükəsizlik tələblərinin ciddi şəkildə pozulması və bunun nəticəsində ağır nəticələrin yaranması halında isə cinayət məsuliyyəti də tətbiq oluna bilər. Bundan əlavə, işçinin ailəsinə kompensasiya ödənilməsi ilə bağlı mülki məsuliyyət yarana bilər. Lakin bütün bunlar yalnız araşdırma nəticəsində işəgötürənin məsuliyyətinin sübuta yetirildiyi halda mümkündür.”
Aysel
Bununla bağlı hüquqşünas Əkrəm Həsənov Median.Az-a açıqlamasında deyib ki, hadisə əmək funksiyalarının yerinə yetirilməsi zamanı baş verdiyi üçün işəgötürənin məsuliyyəti ola bilər:
“Bu məsələ bir neçə aspektdən araşdırılmalıdır. Əmək Məcəlləsinə əsasən, komissiya yaradılmalı və bir sıra suallara cavab verilməlidir. İlk növbədə, həmin işin işçinin əmək funksiyasına daxil olub-olmadığı, onun bu işi görməyə icazəsinin və müvafiq ixtisasının olub-olmadığı müəyyənləşdirilməlidir. Həmçinin işçinin texniki təhlükəsizlik qaydaları ilə bağlı təlimatlandırılıb-təlimatlandırılmadığı araşdırılmalıdır. Bundan əlavə, işçinin müvafiq alət və avadanlıqlarla təmin olunub-olunmadığı, avadanlıqların texniki tələblərə cavab verib-vermədiyi də müəyyənləşdirilməlidir. Araşdırma zamanı hansı məsələlərin işəgötürənin öhdəliyinə daxil olduğu dəqiqləşdirilməlidir. Əgər işəgötürənin üzərinə düşən öhdəliklərdən hər hansı biri yerinə yetirilməyibsə, onun məsuliyyəti yarana bilər. Yox, əgər avadanlıqda ciddi pozuntu olubsa və bu, vəzifələrin yerinə yetirilməməsi ilə bağlıdırsa, cinayət məsuliyyəti də yarana bilər. Belə halda şəxs 3 il, 5 il və ya qanunvericilikdə nəzərdə tutulan digər müddətə azadlıqdan məhrum edilə bilər. Əgər işəgötürən öz üzərinə düşən bütün tədbirləri həyata keçiribsə və hadisə işçinin öz səhvi nəticəsində baş veribsə, bu halda məsuliyyət məsələsi fərqli qiymətləndirilə bilər”.
O qeyd edib ki, həmçinin hadisənin üçüncü şəxsin hərəkətləri nəticəsində baş verməsi də mümkündür:
“İşəgötürənin məsuliyyəti inzibati, cinayət və mülki xarakter daşıya bilər. Pozuntu inzibati xəta təşkil edirsə, işəgötürən cərimə oluna bilər. Təhlükəsizlik tələblərinin ciddi şəkildə pozulması və bunun nəticəsində ağır nəticələrin yaranması halında isə cinayət məsuliyyəti də tətbiq oluna bilər. Bundan əlavə, işçinin ailəsinə kompensasiya ödənilməsi ilə bağlı mülki məsuliyyət yarana bilər. Lakin bütün bunlar yalnız araşdırma nəticəsində işəgötürənin məsuliyyətinin sübuta yetirildiyi halda mümkündür.”
Aysel
