Bu küçədə aparılan təmir və dəyişikliklər sakinlərin narazılığına səbəb oldu - VİDEO

Təbriz küçəsində aparılan yol təmiri və dəyişikliklər sakinlər arasında narazılığa səbəb olub.

Median.Az BTV-yə istinadən xəbər verir ki, sakinlərin sözlərinə görə, Heydər Əliyev Mərkəzindən “Ulduz” metro stansiyası istiqamətində hərəkət edən nəqliyyat vasitələri ciddi sıxlıqla üzləşir.

İddia olunur ki, əvvəllər üçzolaqlı olan yolda aparılan dəyişikliklərdən sonra nəqliyyatın hərəkəti çətinləşib. Yolun bir hissəsində avtobus zolağının salınması və piyada keçidlərinin yenidən təşkil edilməsinin sıxlığı artırdığı bildirilir.
Sürücülər yaranmış vəziyyətdən narazılıqlarını ifadə ediblər.

Qeyd edək ki, ərazidə yol hərəkətinin təşkili ilə bağlı işlər davam etdirilir.