Rusiyadan gedən bu insanların əmlakı müsadirə ediləcək

Rusiyada ölkədən gedən bəzi şəxslərin əmlakı müsadirə oluna bilər.

Bu barədə qərar Rusiya Dövlət Dumasının sədri Vyaçeslav Volodinin sentyabrın 1-dən ölkədə qüvvəyə minəcək yeni qanun layihələrində yer alıb.

Yeni qaydalara əsasən, xaricdə olub Rusiyanın ərazi bütövlüyü əleyhinə çağırış edən, sanksiyaları dəstəkləyən və ordunu diskreditasiya edən şəxslərin məhkəmə qərarı ilə ölkədəki əmlakları həbs edilə biləcək. Həmçinin, "xarici agent" statusu daşıyan şəxslərin sosial reklam verməsi və bu resurslarda reklam yerləşdirməsi qadağan edilir.

Sosial islahatlara toxunan Volodin bildirib ki, yeni tədris ilindən tələbə ailələrinə universitet yataqxanalarında otaqların verilməsində üstünlük tanınacaq. Bundan əlavə, ikinci uşağı doğulan valideynlər üçün ipoteka müqavilələri üzrə 1,5 ilədək kredit tətillərindən istifadə hüququ qüvvəyə minir./Teleqraf