Lizinq şirkəti ilə vətəndaş arasında narazılıq yaranıb.

Xəzər TV-nin qaynar xəttinə müraciət edən Murad Qədimov iddia edir ki, taksi fəaliyyəti ilə bağlı "Xalq 11" lizinq şirkətindən 8 avtomobil alıb.

Şikayətçi deyir ki, 14 iyul 2025-ci il tarixində hər avtomobil üçün 8 min manat ilkin ödəniş edib. 10 gün sonra müqavilələr imzalanaraq təqdim edilib. Murad Qədimovun iddiasına əsasən, avqust ayının 5-i tarixinədək şirkətlə əlaqə saxlaya bilməyib.

Murad Qədimov ödənişlərdə gecikmələrin yarandığını bildirir. Buna səbəb isə avtomobillərin icarədə olması, icarəhaqlarını isə hər ayın 5-i tarixində aldığını deyir. O, bir neçə ay sonra maddi sıxıntısı yarandığı üçün avtomobillərdən 3 ədədini satmaq qərarı alıb.

Müsahibin sözlərinə görə, 2-3 ay ərzində yol vərəqləri verilmədiyindən, avtomobillər yol patrul xidmətinin əməkdaşları tərəfindən cərimə meydançasına aparılıb.

Murad Qasımovun iddiasına görə, onun xəbəri olmadan şirkət tərəfindən avtomobillər duracaqdan çıxarılıb və satışa qoyulub.

Vətəndaşın iddialarına cavab almaq üçün "Xalq 11" lizinq şirkəti bildirdi ki, onlara poçt vasitəsi ilə müraciət edək. Əlavə məlumat verilmədi.

Murad Qədimov məsələ ilə bağlı hüquq mühafizə orqanlarına da müraciət edəcəyini bildirir.скачать dle 11.3