Yaşıllaşmış, həddən artıq cücərmiş, büzüşmüş və ya yumşalmış kartofdan istifadə etmək tövsiyə edilmir.

Həkim-qastroenteroloq Yevgeni Belousovun sözlərinə görə, belə kartofun tərkibində zəhərli qlikoalkaloidlərin – solanin və çakoninin miqdarı arta bilər.

Kartofun yaşıl rəng almasına xlorofil səbəb olsa da, bu, toksinlərin artmasının xəbərdaredici əlaməti hesab olunur.

Xüsusilə toksinlər qabıqda, gözlərdə, cücərtilərdə və yaşıl hissələrdə daha çox toplanır.

Kiçik yaşıl sahələri qalın şəkildə kəsib təmizləmək mümkündür. Lakin kartofun böyük hissəsi yaşıllaşıbsa, güclü cücəribsə, büzüşüb və ya yumşalıbsa, onu atmaq daha təhlükəsizdir.


Solaninlə zəhərlənmə zamanı ağızda acılıq və yanma, ürəkbulanma, qusma, qarın ağrısı və ishal yarana bilər. Ağır hallarda başgicəllənmə, güclü halsızlıq, şüur pozğunluğu və ürək ritminin pozulması baş verə bilər.

Qeyd edək ki, bişirmək yaşıllaşmış və ya cücərmiş kartofu tam təhlükəsiz etmir./bizimmediaскачать dle 11.3