"Toyota" 200 mindən çox avtomobilini geri çağırır - Səbəb

Yaponiyanın avtomobil istehsalçısı "Toyota Motor Co." ABŞ bazarında 228 367 nəqliyyat vasitəsini geri çağırmağa qərar verib. Bu addımın atılmasına əsas səbəb kimi qəza anında avtomobil oturacaqlarının söykənəcəklərinin kilidli vəziyyətdə qala bilməməsi ehtimalı göstərilir.

Bu məlumat ABŞ-nin Milli Yolda Hərəkətin Təhlükəsizliyi İdarəsinin (NHTSA) rəsmi veb-saytında yerləşdirilib.

Qeyd olunan qərar 2022-2026-cı illər ərzində buraxılmış müəyyən "Toyota Sienna Hybrid" avtomobillərini əhatə edir. Spesifik ön toqquşmalar anında zərbənin təsiri nəticəsində həmin maşınlarda oturacaqların söykənəcəyi sabitləndiyi yerdən çıxa bilər. Bu isə öz növbəsində sərnişinlərin təhlükəsizliyini təmin edə bilmədiyi üçün onların xəsarət alma riskini yüksəldir.

Nəqliyyat vasitəsinin komplektasiyası nəzərə alınmaqla, rəsmi diler mərkəzləri tərəfindən heç bir ödəniş tələb olunmadan ya proqram təminatı yenilənəcək, ya da oturacaqların söykənəcəkləri yeniləri ilə əvəz ediləcək.
//oxu.az