Quba rayonunun Zərqava kəndinin İnqilab məhəlləsində yaşayan sakinlər yol infrastrukturunun bərbad vəziyyətdə olmasından əziyyət çəkirlər.

Baku TV-nin qaynar xəttinə müraciət edən vətəndaşlar aidiyyəti qurumlardan təcili kömək istəyirlər.

Sakinlərdən biri qarşılaşdıqları çətinliyi belə ifadə edib:

"Anamın vəziyyəti ağırlaşdı, yaşlı qadındır. Təcili yardım çağırdıq, lakin UAZ markalı avtomobil yolun bərbadlığı səbəbindən evimizə qədər gəlib çata bilmədi. Onu qucağımıza alaraq beş-altı nəfərlə kəndin mərkəzinə qədər apardıq, yalnız oradan xəstəxanaya çatdıra bildik".скачать dle 11.3