Çexiya prezidenti ölkə hökumətinə qarşı məhkəmə iddiası qaldırdı
Çexiya prezidenti Petr Pavel iyul ayında Ankarada keçiriləcək NATO sammitində iştirak edəcək ölkə nümayəndə heyətinə daxil edilməməsi ilə bağlı hökumətə qarşı məhkəmə iddiası qaldırıb.
Qaynarinfo xəbər verir ki, o, baş nazir Andrey Babişin bu qərarını konstitusiyaya zidd hesab edir.
"Politco”nun məlumatına görə, iddia Çexiya Konstitusiya Məhkəməsinə təqdim olunub. Pavel məhkəmədən dövlət başçısının NATO sammitində iştirak edib-etməməsinə kimin qərar vermək səlahiyyətinə malik olduğunu aydınlaşdırmağı xahiş edir.
Prezident bəyanatında bildirib ki, Babiş onu sammitdən "kənarlaşdırmağa” çalışır və bununla da Konstitusiyanın ona verdiyi səlahiyyətləri məhdudlaşdırır.
Pavel vurğulayıb ki, ondan əvvəlki prezidentlər NATO-nun bütün sammitlərində iştirak ediblər. O özü də 2023-cü ildə vəzifəyə başladıqdan sonra Alyansın bütün toplantılarına qatılıb.
Məhkəmə məsələyə çərşənbə günü keçiriləcək plenar iclasında baxmalıdır.
Baş nazir isə prezidentin məhkəməyə müraciət etmək hüququna hörmət etdiyini bildirsə də, bunu düzgün addım hesab etmədiyini deyib: "Konstitusiya vəzifəlilərinin bir-birinə qarşı məhkəmə iddiası qaldırması uyğun deyil”.
Bununla belə, Pavel bildirib ki, məsələ təkcə bir beynəlxalq tədbirdə iştirak etməkdən ibarət deyil, hakimiyyət səlahiyyətlərinin bölüşdürülməsi ilə bağlı prinsipial məsələdir.
"Əgər mən bu səlahiyyətləri müdafiə etməsəm, gələcəkdə konstitusion vəzifəlilərin səlahiyyətlərinin özbaşına məhdudlaşdırılmasına yol açmış olaram”, deyə prezident vurğulayıb.
"Politco” bu mübahisəni 2023-cü il prezident seçkilərində qarşı-qarşıya gəlmiş iki siyasətçi arasındakı mürəkkəb münasibətlərin növbəti gərginləşməsi kimi qiymətləndirir.
Çexiya Konstitusiyasına əsasən, prezidentin səlahiyyətləri məhduddur və xarici siyasətin əsas istiqamətlərini hökumət müəyyən edir. Bununla belə, ölkənin 1999-cu ildə NATO-ya qoşulmasından bəri prezidentlər adətən sammitlərdə Çexiya nümayəndə heyətinə rəhbərlik ediblər.
İyunun 22-də məlum olub ki, hökumət 2015–2018-ci illərdə NATO Hərbi Komitəsinin sədri olmuş Petr Paveli gələn ay keçiriləcək NATO sammitinə gedəcək nümayəndə heyətinə daxil etməyib.
2023-cü il prezident seçkilərində Pavelə məğlub olmuş və hazırda "ANO” partiyasına rəhbərlik edən Andrey Babiş hökumətin, o cümlədən müdafiə xərcləri ilə bağlı mövqeyini qorumaq məcburiyyətində olduğunu bildirib.
Pavel son dövrlərdə hökumətin bir sıra qərarlarını tənqid edib. O, xüsusilə Çexiyanın Ukrayna üçün sursat tədarükü təşəbbüsünün maliyyələşdirilməsinin dayandırılması qərarına etiraz etmişdi.
Qaynarinfo xəbər verir ki, o, baş nazir Andrey Babişin bu qərarını konstitusiyaya zidd hesab edir.
"Politco”nun məlumatına görə, iddia Çexiya Konstitusiya Məhkəməsinə təqdim olunub. Pavel məhkəmədən dövlət başçısının NATO sammitində iştirak edib-etməməsinə kimin qərar vermək səlahiyyətinə malik olduğunu aydınlaşdırmağı xahiş edir.
Prezident bəyanatında bildirib ki, Babiş onu sammitdən "kənarlaşdırmağa” çalışır və bununla da Konstitusiyanın ona verdiyi səlahiyyətləri məhdudlaşdırır.
Pavel vurğulayıb ki, ondan əvvəlki prezidentlər NATO-nun bütün sammitlərində iştirak ediblər. O özü də 2023-cü ildə vəzifəyə başladıqdan sonra Alyansın bütün toplantılarına qatılıb.
Məhkəmə məsələyə çərşənbə günü keçiriləcək plenar iclasında baxmalıdır.
Baş nazir isə prezidentin məhkəməyə müraciət etmək hüququna hörmət etdiyini bildirsə də, bunu düzgün addım hesab etmədiyini deyib: "Konstitusiya vəzifəlilərinin bir-birinə qarşı məhkəmə iddiası qaldırması uyğun deyil”.
Bununla belə, Pavel bildirib ki, məsələ təkcə bir beynəlxalq tədbirdə iştirak etməkdən ibarət deyil, hakimiyyət səlahiyyətlərinin bölüşdürülməsi ilə bağlı prinsipial məsələdir.
"Əgər mən bu səlahiyyətləri müdafiə etməsəm, gələcəkdə konstitusion vəzifəlilərin səlahiyyətlərinin özbaşına məhdudlaşdırılmasına yol açmış olaram”, deyə prezident vurğulayıb.
"Politco” bu mübahisəni 2023-cü il prezident seçkilərində qarşı-qarşıya gəlmiş iki siyasətçi arasındakı mürəkkəb münasibətlərin növbəti gərginləşməsi kimi qiymətləndirir.
Çexiya Konstitusiyasına əsasən, prezidentin səlahiyyətləri məhduddur və xarici siyasətin əsas istiqamətlərini hökumət müəyyən edir. Bununla belə, ölkənin 1999-cu ildə NATO-ya qoşulmasından bəri prezidentlər adətən sammitlərdə Çexiya nümayəndə heyətinə rəhbərlik ediblər.
İyunun 22-də məlum olub ki, hökumət 2015–2018-ci illərdə NATO Hərbi Komitəsinin sədri olmuş Petr Paveli gələn ay keçiriləcək NATO sammitinə gedəcək nümayəndə heyətinə daxil etməyib.
2023-cü il prezident seçkilərində Pavelə məğlub olmuş və hazırda "ANO” partiyasına rəhbərlik edən Andrey Babiş hökumətin, o cümlədən müdafiə xərcləri ilə bağlı mövqeyini qorumaq məcburiyyətində olduğunu bildirib.
Pavel son dövrlərdə hökumətin bir sıra qərarlarını tənqid edib. O, xüsusilə Çexiyanın Ukrayna üçün sursat tədarükü təşəbbüsünün maliyyələşdirilməsinin dayandırılması qərarına etiraz etmişdi.
