Vəziyyət kritikdir: Avropanın ən böyük avtomobil istehsalçısı bağlana bilər
"Volkswagen AG” konserninin rəhbərləri hesab edir ki, şirkət mövcudluğunu itirmək təhlükəsi ilə üz-üzədir.
Bu barədə anonim araşdırmaya istinadla "Der Spiegel” nəşri yazıb.
Daxili araşdırma çərçivəsində "Volkswagen AG” idarə heyətinin və müşahidə şurasının üzvləri sorğuya cəlb olunub. Təşəbbüsün məqsədi şirkət daxilində həmrəyliyin səviyyəsini qiymətləndirmək olub.
Yüksək vəzifəli rəhbərlərin əksəriyyəti "Volkswagen AG”də vəziyyətin kritik olduğu fikrində həmrəydir. Sorğuda iştirak edən doqquz idarə heyəti üzvündən altısı şirkətin mövcudluğunu təhlükə altında hesab edib. Digər üçü vəziyyəti gərgin kimi qiymətləndirib. "Qeyri-kritik” variantını heç kim seçməyib.
Sorğuda iştirak edən bütün rəhbərlər radikal strategiya dəyişikliyini dəstəkləyib. Onlar həmçinin şirkətin Çin və Şimali Amerika bazarlarına dair mövcud strategiyasını kəskin tənqid ediblər.
Əlavə olaraq qeyd olunur ki, Almaniya avtomobil sənayesi artıq bir müddətdir ciddi böhranla üzləşib. Səbəblər sırasında innovasiya potensialının zəifləməsi, yüksək istehsal xərcləri və digər bazarların elektrik avtomobilləri ilə rəqabətdə geriləmə göstərilir.
"Deutsche Welle”nin məlumatına görə, 2025-ci ilin yekunlarında "Volkswagen”in xalis mənfəəti əvvəlki illə müqayisədə təxminən 44% azalaraq 6,9 milyard avroya düşüb (12,4 milyard avrodan).
Azalmanın əsas səbəblərindən biri "Porsche” törəmə şirkətinin itkiləri olub. Bu itkilər daxili yanma mühərriklərinin istismar müddətinin uzadılması strategiyası ilə bağlı qərarlarla əlaqələndirilir və ana şirkətə də mənfi təsir göstərib.
Bundan əlavə, Donald Tramp administrasiyası tərəfindən tətbiq edilən ABŞ tarifləri də milyardlarla avro zərərə səbəb olub.
Ötən ilin sonunda "Volkswagen”in Drezdendəki zavodunda istehsalın dayandırıldığı açıqlanıb. Qərar satışların azalması və Çin bazarında zəif tələbat fonunda qəbul edilib.
Həmçinin "Golf” və "Tiguan” modellərinin istehsalının müvəqqəti dayandırılması barədə də məlumat verilib. Şirkət bunu "əvvəlcədən planlaşdırılmış tədbir” kimi izah edib və anbar ehtiyatlarının tənzimlənməsi ilə əlaqələndirib.
Bu barədə anonim araşdırmaya istinadla "Der Spiegel” nəşri yazıb.
Daxili araşdırma çərçivəsində "Volkswagen AG” idarə heyətinin və müşahidə şurasının üzvləri sorğuya cəlb olunub. Təşəbbüsün məqsədi şirkət daxilində həmrəyliyin səviyyəsini qiymətləndirmək olub.
Yüksək vəzifəli rəhbərlərin əksəriyyəti "Volkswagen AG”də vəziyyətin kritik olduğu fikrində həmrəydir. Sorğuda iştirak edən doqquz idarə heyəti üzvündən altısı şirkətin mövcudluğunu təhlükə altında hesab edib. Digər üçü vəziyyəti gərgin kimi qiymətləndirib. "Qeyri-kritik” variantını heç kim seçməyib.
Sorğuda iştirak edən bütün rəhbərlər radikal strategiya dəyişikliyini dəstəkləyib. Onlar həmçinin şirkətin Çin və Şimali Amerika bazarlarına dair mövcud strategiyasını kəskin tənqid ediblər.
Əlavə olaraq qeyd olunur ki, Almaniya avtomobil sənayesi artıq bir müddətdir ciddi böhranla üzləşib. Səbəblər sırasında innovasiya potensialının zəifləməsi, yüksək istehsal xərcləri və digər bazarların elektrik avtomobilləri ilə rəqabətdə geriləmə göstərilir.
"Deutsche Welle”nin məlumatına görə, 2025-ci ilin yekunlarında "Volkswagen”in xalis mənfəəti əvvəlki illə müqayisədə təxminən 44% azalaraq 6,9 milyard avroya düşüb (12,4 milyard avrodan).
Azalmanın əsas səbəblərindən biri "Porsche” törəmə şirkətinin itkiləri olub. Bu itkilər daxili yanma mühərriklərinin istismar müddətinin uzadılması strategiyası ilə bağlı qərarlarla əlaqələndirilir və ana şirkətə də mənfi təsir göstərib.
Bundan əlavə, Donald Tramp administrasiyası tərəfindən tətbiq edilən ABŞ tarifləri də milyardlarla avro zərərə səbəb olub.
Ötən ilin sonunda "Volkswagen”in Drezdendəki zavodunda istehsalın dayandırıldığı açıqlanıb. Qərar satışların azalması və Çin bazarında zəif tələbat fonunda qəbul edilib.
Həmçinin "Golf” və "Tiguan” modellərinin istehsalının müvəqqəti dayandırılması barədə də məlumat verilib. Şirkət bunu "əvvəlcədən planlaşdırılmış tədbir” kimi izah edib və anbar ehtiyatlarının tənzimlənməsi ilə əlaqələndirib.
