Niyə insanlar çox yeyir və bununla necə mübarizə aparmaq olar?
Həddindən artıq yemək bir çox insanın gündəlik həyatında qarşılaşdığı problemdir. Mütəxəssislər bildirirlər ki, aclıq hissi insan orqanizminin əsas yaşamaq mexanizmlərindən biri olsa da, müasir dövrdə qida yalnız enerji mənbəyi deyil, həm də emosional və psixoloji ehtiyacların qarşılanma vasitəsinə çevrilib.
Median.Az "stroynee"yə istinadən xəbər verir ki, araşdırmalara görə, artıq yeməyin əsas səbəbləri arasında yuxu rejiminin pozulması xüsusi yer tutur. Məlumatlara əsasən, yuxusuzluq hormon balansını pozur, toxluq hormonu olan leptini azaldır, aclıq hormonu grelini isə artırır. Nəticədə insan daha çox yemək istəyi hiss edir və yüksək kalorili qidalara meyil güclənir.
Digər mühüm faktor kifayət qədər su qəbul edilməməsidir. Mütəxəssislər qeyd edirlər ki, susuzluq və aclıq siqnalları bəzən bir-birinə qarışa bilər. Bu səbəbdən insan bəzən su əvəzinə qida qəbul edərək əlavə kalori alır. Tədqiqatlar göstərir ki, yeməkdən əvvəl su içmək ümumi kalori qəbulunu azalda bilər.
Psixoloji amillər də artıq yeməkdə mühüm rol oynayır. Stress zamanı orqanizmdə kortizol hormonunun artması iştahanı gücləndirir. Bir çox insanlar isə yorğunluq, kədər və ya narahatlıq hisslərini azaltmaq üçün yeməyə müraciət edirlər.
Bundan başqa, darıxma və emosional boşluq da çox yeməyə səbəb ola bilər. Qida beyində dopamin ifrazını artıraraq qısa müddətli zövq hissi yaradır. Lakin bu, zamanla asılılıq xarakteri ala bilər və daha çox yemək ehtiyacını gücləndirə bilər.
Mütəxəssislər həmçinin diqqətin yayındığı halda yemək vərdişinin də təhlükəli olduğunu bildirirlər. Məsələn, televiziya izləyərkən və ya sosial şəbəkələrdə gəzərkən insan nə qədər yediyinin fərqinə varmır və bu, qida qəbulunun artmasına səbəb olur.
Nəhayət, müasir qidaların yüksək kalorili olması və porsiya ölçülərinin düzgün qiymətləndirilməməsi də artıq yeməyi artıran amillər arasındadır.
Mütəxəssislər sağlam qidalanma üçün yuxu rejiminin normallaşdırılmasını, su qəbuluna diqqət yetirilməsini və emosional yemək vərdişlərinə nəzarət edilməsini tövsiyə edirlər.
//qaynar.az
Median.Az "stroynee"yə istinadən xəbər verir ki, araşdırmalara görə, artıq yeməyin əsas səbəbləri arasında yuxu rejiminin pozulması xüsusi yer tutur. Məlumatlara əsasən, yuxusuzluq hormon balansını pozur, toxluq hormonu olan leptini azaldır, aclıq hormonu grelini isə artırır. Nəticədə insan daha çox yemək istəyi hiss edir və yüksək kalorili qidalara meyil güclənir.
Digər mühüm faktor kifayət qədər su qəbul edilməməsidir. Mütəxəssislər qeyd edirlər ki, susuzluq və aclıq siqnalları bəzən bir-birinə qarışa bilər. Bu səbəbdən insan bəzən su əvəzinə qida qəbul edərək əlavə kalori alır. Tədqiqatlar göstərir ki, yeməkdən əvvəl su içmək ümumi kalori qəbulunu azalda bilər.
Psixoloji amillər də artıq yeməkdə mühüm rol oynayır. Stress zamanı orqanizmdə kortizol hormonunun artması iştahanı gücləndirir. Bir çox insanlar isə yorğunluq, kədər və ya narahatlıq hisslərini azaltmaq üçün yeməyə müraciət edirlər.
Bundan başqa, darıxma və emosional boşluq da çox yeməyə səbəb ola bilər. Qida beyində dopamin ifrazını artıraraq qısa müddətli zövq hissi yaradır. Lakin bu, zamanla asılılıq xarakteri ala bilər və daha çox yemək ehtiyacını gücləndirə bilər.
Mütəxəssislər həmçinin diqqətin yayındığı halda yemək vərdişinin də təhlükəli olduğunu bildirirlər. Məsələn, televiziya izləyərkən və ya sosial şəbəkələrdə gəzərkən insan nə qədər yediyinin fərqinə varmır və bu, qida qəbulunun artmasına səbəb olur.
Nəhayət, müasir qidaların yüksək kalorili olması və porsiya ölçülərinin düzgün qiymətləndirilməməsi də artıq yeməyi artıran amillər arasındadır.
Mütəxəssislər sağlam qidalanma üçün yuxu rejiminin normallaşdırılmasını, su qəbuluna diqqət yetirilməsini və emosional yemək vərdişlərinə nəzarət edilməsini tövsiyə edirlər.
//qaynar.az
