Yaz fəslinin gəlişi ilə birlikdə allergiyadan əziyyət çəkən insanların sayı da artır. Xüsusilə ağac və çiçək tozcuqları bir çox şəxsdə asqırma, burun axıntısı, göz qaşınması və nəfəs darlığı kimi problemlərə səbəb olur.

Mütəxəssislər bildirirlər ki, yaz allergiyasından qorunmaq üçün ilk növbədə allergiyaya səbəb olan amillərdən uzaq durmaq vacibdir.

Küləkli və açıq havada uzun müddət qalmaq tövsiyə edilmir. Evə qayıtdıqdan sonra isə geyimlərin dəyişdirilməsi və duş qəbul edilməsi məsləhət görülür.

Həkimlərin sözlərinə görə, evlərin tez-tez havalandırılması və təmiz saxlanılması da allergiya riskini azaldır. Tozcuqların çox olduğu saatlarda pəncərələrin bağlı saxlanılması faydalı hesab edilir.

Bundan əlavə, allergik şəxslərə həkim məsləhəti olmadan dərman qəbul etməmələri tövsiyə olunur. Simptomlar şiddətli olduqda mütləq allergoloqa müraciət edilməlidir.

Qeyd edək ki, mövsümi allergiya vaxtında nəzarətdə saxlanılmadıqda astma və digər tənəffüs problemlərinə səbəb ola bilər.
//azxeber.comскачать dle 11.3