Məşhur şirkətlər süni intellektə görə minlərlə əməkdaşı ixtisar edir
"Cisco" şirkəti süni intellekt sahəsinə investisiyaların yönəldilməsi məqsədilə aparılan restrukturizasiya çərçivəsində təxminən 4 min iş yerini ixtisar edəcəyini açıqlayıb.
Median.Az bu barədə "Reuters"ə istinadən xəbər verir.
İyul ayına olan məlumata əsasən, şirkətdə 86 mindən çox əməkdaş çalışırdı. Beləliklə, ixtisarlar ümumi personalın təxminən 5 faizini əhatə edib.
“Şirkətlər süni intellekt dövründə yalnız məqsədyönlü, çevik və intizamlı olduqları halda qalib gələcəklər. Bunun üçün investisiyalar davamlı olaraq tələbatın və uzunmüddətli dəyər yaradılmasının ən yüksək olduğu sahələrə yönəldilməlidir”, deyə şirkətin baş direktoru Çak Robbins bildirib.
Ştat ixtisarları ilə bağlı xəbərə baxmayaraq, San-Xose şəhərində yerləşən şirkətin səhmləri birja sonrası ticarətdə 16 faizdən çox artıb. İnvestorlar illik gəlir proqnozunun ciddi şəkildə yüksəldilməsini və süni intellekt infrastrukturu üçün şəbəkə avadanlıqlarına rekord tələbatı müsbət qarşılayıblar.
“Mümkündür ki, diqqətin böyük hissəsi kiçik həcmli ixtisarlara yönəlsin. Lakin bazar bağlandıqdan sonra müşahidə etdiyimiz səhm artımı əslində iri məlumat emalı mərkəzlərinin kapital xərclərinin təchizat zənciri boyunca yayılması ilə bağlıdır. Bu addım göstərir ki, investisiyalar yalnız çiplərlə məhdudlaşmır”, deyə "Direxion" maliyyə şirkətinin nümayəndəsi Rayan Li bildirib.
Qeyd olunur ki, ilin əvvəlindən "Cisco"nun səhmləri 32 faiz artıb. Hazırda şirkət silikon və optik texnologiyalar, kibertəhlükəsizlik, eləcə də əməkdaşların bütün biznes sahələrində süni intellektdən istifadəsi istiqamətində strateji investisiyalar həyata keçirir.
Cari maliyyə ilində "Cisco" artıq iri məlumat emalı mərkəzlərindən süni intellekt infrastrukturu üzrə 5,3 milyard dollar həcmində sifariş alıb və illik sifariş proqnozunu 5 milyard dollardan 9 milyard dollara yüksəldib.
"Cisco" yüksək texnologiyalar və xüsusilə süni intellektin sürətli inkişafı səbəbindən işçi sayını azaldan yeganə iri şirkət deyil. "Bloomberg" yaxın zamanda xəbər vermişdi ki, "General Motors" xərcləri azaltmaq və digər texnoloji sahələr üzrə bacarıqlara malik əməkdaşlar üçün yer açmaq məqsədilə informasiya texnologiyaları bölməsində yüzlərlə iş yerini ixtisar etməyi planlaşdırır.
Həmçinin bildirilirdi ki, Mark Zukerberqə məxsus "Meta" şirkəti süni intellekt layihələrinə böyük xərclər fonunda təxminən 8 min iş yerini ixtisar etməyə hazırlaşır.
Bundan əvvəl isə "Amazon", "UPS", "Dow", "Nike", "Home Depot" və bir sıra digər şirkətlər ümumilikdə 52 mindən çox iş yerinin ixtisar ediləcəyini açıqlamışdılar. Şirkətlərin bir qismi bu qərarı iqtisadi qeyri-müəyyənlik və süni intellektə yatırılan investisiyalarla bağlı artan xərclərlə izah edir.
Beynəlxalq Valyuta Fondu bildirib ki, inkişaf etmiş ölkələrdə iş yerlərinin təxminən 60 faizi süni intellektin təsiri altına düşə bilər. Ekspertlərin fikrincə, süni intellekt o qədər sürətlə inkişaf edir ki, əmək bazarında əsl “sunami” yarada bilər.
Hesab olunur ki, yaxın gələcəkdə süni intellektin əvəz edə bilməyəcəyi yüksək maaşlı peşələr də mövcuddur. İnsan ünsiyyəti, situasiyanı qiymətləndirmə bacarığı və emosional intellekt tələb edən sahələr avtomatlaşdırmaya qarşı daha davamlı qalır.
Bu səbəbdən tibb işçiləri, fəhlə peşələri — xüsusilə elektriklər, santexniklər və montajçılar, rəhbər vəzifələr, kreativ peşələr, eləcə də süni intellekt sistemlərini hazırlayan və idarə edən texniki mütəxəssislər avtomatlaşdırmaya qarşı ən dayanıqlı sahələr hesab olunur.
Median.Az bu barədə "Reuters"ə istinadən xəbər verir.
İyul ayına olan məlumata əsasən, şirkətdə 86 mindən çox əməkdaş çalışırdı. Beləliklə, ixtisarlar ümumi personalın təxminən 5 faizini əhatə edib.
“Şirkətlər süni intellekt dövründə yalnız məqsədyönlü, çevik və intizamlı olduqları halda qalib gələcəklər. Bunun üçün investisiyalar davamlı olaraq tələbatın və uzunmüddətli dəyər yaradılmasının ən yüksək olduğu sahələrə yönəldilməlidir”, deyə şirkətin baş direktoru Çak Robbins bildirib.
Ştat ixtisarları ilə bağlı xəbərə baxmayaraq, San-Xose şəhərində yerləşən şirkətin səhmləri birja sonrası ticarətdə 16 faizdən çox artıb. İnvestorlar illik gəlir proqnozunun ciddi şəkildə yüksəldilməsini və süni intellekt infrastrukturu üçün şəbəkə avadanlıqlarına rekord tələbatı müsbət qarşılayıblar.
“Mümkündür ki, diqqətin böyük hissəsi kiçik həcmli ixtisarlara yönəlsin. Lakin bazar bağlandıqdan sonra müşahidə etdiyimiz səhm artımı əslində iri məlumat emalı mərkəzlərinin kapital xərclərinin təchizat zənciri boyunca yayılması ilə bağlıdır. Bu addım göstərir ki, investisiyalar yalnız çiplərlə məhdudlaşmır”, deyə "Direxion" maliyyə şirkətinin nümayəndəsi Rayan Li bildirib.
Qeyd olunur ki, ilin əvvəlindən "Cisco"nun səhmləri 32 faiz artıb. Hazırda şirkət silikon və optik texnologiyalar, kibertəhlükəsizlik, eləcə də əməkdaşların bütün biznes sahələrində süni intellektdən istifadəsi istiqamətində strateji investisiyalar həyata keçirir.
Cari maliyyə ilində "Cisco" artıq iri məlumat emalı mərkəzlərindən süni intellekt infrastrukturu üzrə 5,3 milyard dollar həcmində sifariş alıb və illik sifariş proqnozunu 5 milyard dollardan 9 milyard dollara yüksəldib.
"Cisco" yüksək texnologiyalar və xüsusilə süni intellektin sürətli inkişafı səbəbindən işçi sayını azaldan yeganə iri şirkət deyil. "Bloomberg" yaxın zamanda xəbər vermişdi ki, "General Motors" xərcləri azaltmaq və digər texnoloji sahələr üzrə bacarıqlara malik əməkdaşlar üçün yer açmaq məqsədilə informasiya texnologiyaları bölməsində yüzlərlə iş yerini ixtisar etməyi planlaşdırır.
Həmçinin bildirilirdi ki, Mark Zukerberqə məxsus "Meta" şirkəti süni intellekt layihələrinə böyük xərclər fonunda təxminən 8 min iş yerini ixtisar etməyə hazırlaşır.
Bundan əvvəl isə "Amazon", "UPS", "Dow", "Nike", "Home Depot" və bir sıra digər şirkətlər ümumilikdə 52 mindən çox iş yerinin ixtisar ediləcəyini açıqlamışdılar. Şirkətlərin bir qismi bu qərarı iqtisadi qeyri-müəyyənlik və süni intellektə yatırılan investisiyalarla bağlı artan xərclərlə izah edir.
Beynəlxalq Valyuta Fondu bildirib ki, inkişaf etmiş ölkələrdə iş yerlərinin təxminən 60 faizi süni intellektin təsiri altına düşə bilər. Ekspertlərin fikrincə, süni intellekt o qədər sürətlə inkişaf edir ki, əmək bazarında əsl “sunami” yarada bilər.
Hesab olunur ki, yaxın gələcəkdə süni intellektin əvəz edə bilməyəcəyi yüksək maaşlı peşələr də mövcuddur. İnsan ünsiyyəti, situasiyanı qiymətləndirmə bacarığı və emosional intellekt tələb edən sahələr avtomatlaşdırmaya qarşı daha davamlı qalır.
Bu səbəbdən tibb işçiləri, fəhlə peşələri — xüsusilə elektriklər, santexniklər və montajçılar, rəhbər vəzifələr, kreativ peşələr, eləcə də süni intellekt sistemlərini hazırlayan və idarə edən texniki mütəxəssislər avtomatlaşdırmaya qarşı ən dayanıqlı sahələr hesab olunur.
