Bütün ermənilərin katolikosu II Qareginə cinayət işi açıldı

Ermənistanda bütün ermənilərin katolikosu II Qareginə qarşı cinayət işi başlanıb və onun ölkəni tərk etməsinə qadağa qoyulub.

Bu barədə vəkil Ara Zoqrabyan "Sputnik Ermənistan"a bildirib.

Həmçinin II Qareginin ölkədən çıxışına qadağa qoyulub.

Vəkil qeyd edib ki, bu addım keşiş Arman Saroyanla bağlı məhkəmə aktının icrasına mane olmaq barədə ittihamla əlaqəlidir.

Xatırladaq ki, daha əvvəl məlum olduğu kimi, həmin iş üzrə 6 yüksəkrütbəli din xadiminə ittiham irəli sürülüb və onlara da ölkədən çıxış qadağası tətbiq edilib.

Vəkil bəyan edib ki, bu qərar birbaşa hakimiyyətin Avstriyada keçiriləcək Arxivyerlər Məclisini pozmaq cəhdləri ilə bağlıdır. A.Zoqrabyan katolikosa qarşı irəli sürülən ittihamı hakimiyyət tərəfindən atılmış tarixi və utancverici addım, həmçinin Kilsənin daxili işlərinə birbaşa müdaxilə kimi qiymətləndirib.