Bakının Qaradağ rayonunda 1988-ci il təvəllüdlü Həmid şəxsi münasibətlər zəminində yaranan mübahisə zamanı həyat yoldaşı Təhminəyə (adlar şərtidir – red.) xəsarət yetirib. 
 

Median.Az Demokrat.az-a istinadən xəbər verir ki, hadisə 3 sentyabr 2025-ci ildə baş verib. Bakı şəhər sakini Həmid həmin gün saat 19:30-da ailə üzvləri ilə birlikdə yaşadığı evdə olarkən həyat yoldaşı ilə qısqanclıq zəminində mübahisə edib. 
Aralarında mübahisə yaranmış mübahisə zamanı o, zərərçəkmiş şəxsi əlləri ilə bədəninin müxtəlif nahiyələrinə vurub. 
 
Hadisəni törədən Həmidin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham üzrə özünü təqsirli bilib. 
 
İş üzrə ifadə verən Həmid ona elan olunmuş ittiham üzrə özünü təqsirli bilib. O, həmçinin əməlindən səmimi peşman olmasını, zərərçəkmiş şəxslə barışmasını, zərərçəkmiş şəxsin ona qarşı heç bir şikayət və tələbinin olmamasını, ona dəymiş zərəri tamamilə ödəməsini nəzərə alınmasını xahiş edib. 
 
Bu işə Qaradağ Rayon Məhkəməsində baxılıb. Məhkəmənin hökmü ilə təqsirləndirilən şəxsin zərərçəkmişlə barışması nəzərə alınıb. Bu səbəbdən Həmidin barəsində olan cinayət təqibinə xitam verilib. O, cinayət məsuliyyətindən azad edilib. 
 скачать dle 11.3