Moskva prospektinin Biləcəri enişi adlanan hissəsindən Həmdəm Ağayev küçəsinədək olan hissəsində xüsusi hərəkət zolağı yaradılaraq mövcud zolaqla birləşdirilib.

Bu barədə Azərbaycan Yerüstü Nəqliyyat Agentliyi (AYNA) məlumat yayıb.

Bildirilib ki, buna qədər həmin hissədə mütəmadi olaraq sıxlıq müşahidə olunurdu:

"Müntəzəm marşrut avtobusları metronun "20 Yanvar" stansiyası istiqamətindən "Şamaxinka" adlanan yol sahəsinədək zolaqla fasiləsiz hərəkət etsə də, "Şamaxinka"dan Biləcəriyə qədər olan hissədə avtobus zolağı mövcud deyildi. Bu səbəbdən ciddi ləngimə yaranırdı və səyahət müddəti artırdı.

Sözügedən yol sahəsindən gündəlik 90 000-dən çox sərnişin daşınacaq. Xüsusi hərəkət zolağı sayəsində yeni istifadəyə verilən 18 metrlik iritutumlu 500 nömrəli avtobusların rahat və fasiləsiz hərəkəti təmin ediləcək".

* * * * *

Bakı-Sumqayıt yolunda yeni avtobus zolağı çəkilir.

Bu barədə görüntülər sosial mediada paylaşılıb.

Paylaşımı edən şəxs bildirib ki, yeni zolaq "Şamaxinka" adlanan ərazidən Dövlət Yol Polisi İdarəsinin Ekoloji nəzarət postuna qədər olan yolu əhatə edir.

Məsələ ilə bağlı aidiyyəti quruma sorğu verilib.

Sözügedən görüntünü təqdim edirik:
//oxu.azскачать dle 11.3