Ermənistanın Baş naziri Nikol Paşinyan Fransaya işgüzar səfərə yola düşüb.
Bu barədə Median.Az Ermənistan KİV-ə istinadən xəbər verir.
Məlumata görə, Paşinyan 29-30 oktyabr tarixlərində Fransada səfərdə olacaq.
Onun oktyabrın 29-da 8-ci Paris Sülh Forumunda iştirakı gözlənilir. Həmçinin, ikitərəfli görüşlər də planlaşdırılır.
30 oktyabrda Nikol Paşinyanın Yelisey sarayında Fransa Prezidenti Emmanuel Makronla görüşü nəzərdə tutulub.