Kənd Təsərrüfatı Nazirliyi yanında Aqrar Xidmətlər Agentliyinin (AXA) dabaq (A.O. SAT 2) xəstəliyinə qarşı peyvənd vasitələrinin satın alınmasına çəkdiyi xərc açıqlanıb.
Bu barədə İqtisadiyyat.az-ın əldə etdiyi məlumatda bildirilir.
Belə ki, AXA-nın tabeliyində olan Heyvan Sağlamlığı və Baytarlıq Xidmətləri Mərkəzi dabaq (A.O. SAT 2) xəstəliyinə qarşı peyvənd vasitələrinin satınalınması ilə bağlı avqustun 20-də elan etdiyi tenderi bu günlərdə yekunlaşdırıb.
Məlumata görə, satınalma müsabiqəsinin qalibi ölkəmizdə əczaçılıq məhsullarının idxalı və satışı ilə məşğul olan "Epidbiomed” şirkəti olub. Şirkət 5,2 milyon doza peyvəndin satışına görə Agentliyə 3 milyon 452 min 800 manat ödəniş təklif edib. Hazırda satınalma razılaşma mərhələsindədir.
Xatırladaq ki, AXA bu ilin yanvarın 7-də Türkiyənin ŞAP İnstitutu tərəfindən dabaq xəstəliyinə qarşı istehsal edilən vaksinin satın alınmasına görə 4 milyon 326 min manat vəsait xərcləyib.
Şahidi olduğunuz hadisələri çəkib bizə göndərin!
Son Əlavə