Şəhid ailələri və əlilliyi olan şəxslər üçün ŞAD XƏBƏR

Azərbaycan hökuməti sosial həssas qrupların mənzil-məişət şəraitinin yaxşılaşdırılması istiqamətində daha bir addım atır.

BAKU.WS-in əldə etdiyi məlumata görə, Sosial Xidmətlər Agentliyi tərəfindən elan edilən tenderlər çərçivəsində Gəncə şəhəri və Ağdaş rayonunda ümumilikdə 87 mənzilin alınması planlaşdırılır.

Məlumata görə, tenderlərdə əsas məqsəd şəhid ailələrinin və əlilliyi müəyyən edilmiş şəxslərin mənzil təminatını gücləndirməkdir.

Gəncə şəhərində alınacaq mənzillər:

16 ədəd birotaqlı mənzil

16 ədəd ikiotaqlı mənzil

8 ədəd üçotaqlı mənzil

Ümumi dəyər: 2 milyon 866 min manat

Ağdaş rayonunda alınacaq mənzillər:

20 ədəd ikiotaqlı mənzil

27 ədəd üçotaqlı mənzil

Ümumi dəyər: 3 milyon 687 min manat

Qeyd edək ki, hər iki layihə üzrə ümumi mənzillərin sayı 87 ədəd, ayrılan vəsait isə təxminən 6,5 milyon manata yaxın olacaq. Bu addım həm şəhid ailələrinin sosial müdafiəsinin gücləndirilməsinə, həm də əlilliyi olan insanların normal həyat şəraitinin təmin olunmasına yönəlib.