Rusiyanın Kamçatka diyarında 6.3 bal gücündə zəlzələ baş verib, bölgədə sunami təhlükəsi elan edilib.

Bu barədə Kamçatka diyarının qubernatoru Vladimir Solodov öz "Telegram" kanalında məlumat verib.

V.Solodov insanları çimərliyə və sunami təhlükəsi olan digər ərazilərə səfər edərkən xüsusilə diqqətli olmağa çağırıb.

Xatırladaq ki, iyulun 30-da Kamçatka yaxınlığında 8.7 bal gücündə zəlzələ baş verib. Təkanların episentri Petropavlovsk-Kamçatskdan 161 km şərqdə, 32 km dərinlikdə yerləşib. Bunun 1952-ci ildən bəri regionda baş verən ən güclü zəlzələ olduğu deyilib. Sunami təhlükəsi elan edilib, dörd metrə qədər hündürlükdə dalğalar qeydə alınıb. Bu hadisədən sonra bölgədə yüzlərlə afterşok, vulkan aktivliyi qeydə alınıb.

"Telegram" kanallarında isə Kamçatkada güclü zəlzələ zamanı çəkilmiş kadrlar yayılıb. Belə ki, tədqiqat mərkəzlərindən birinin mütəxəssisləri helikopterlə Vilyuçinsk vulkanının olduğu əraziyə enərkən zəlzələni anbaan qeydə alıblar.

Digər kadrlarda isə Kamçatka ərazisində olan teleqüllələrdən birinin silkələndiyi əks olunub.скачать dle 11.3