Bakıda həyat yoldaşına əzab verməkdə təqsirləndirilən 42 yaşlı Mahir Məmmədovun (ad-soyadlar şərtidir) məhkəməsi başa çatıb.
Median.Az "Qafqazinfo"ya istinadla xəbər verir ki, Suraxanı Rayon Məhkəməsində keçirilən prosesdə hökm oxunub.
Bildirilib ki, Mahirlə həyat yoldaşı Gülsüm arasında bir müddət əvvəl münasibətlər pisləşib. Buna səbəb Mahirin başqa qadınla qeyri-rəsmi münasibətdə olması olub. Belə ki, ərinin telefonunda başqası ilə münasibətini əks etdirən yazışmaları tapan Gülsüm ona etirazını bildirib. O, ərinin sevgilisinə zəng edib. Bundan sonra ailədə münasibətlər daha da kəskinləşib.
Bundan sonra 2 ilə yaxın müddətdə Mahir mütəmadi olaraq arvadını döyüb, başı ilə ona zərbələr endirərək xəsarətlər yetirib, eləcə də döşəmədə sürüyüb.
Məhkəmə M. Məmmədovu Cinayət Məcəlləsinin 133-cü (Əzab vermə) maddəsi ilə təqsirli bilib və 1 il həbs cəzası verib.
Şahidi olduğunuz hadisələri çəkib bizə göndərin!
Son Əlavə