Türkiyənin yeni Baş Qərargah rəisi Azərbaycana səfər edəcək
"Hazırda Azərbaycan-Türkiyə münasibətləri ən yüksək səviyyədədir".
Bunu Türkiyənin Zəfər Bayramına həsr edilən mərasimdə Azərbaycan müdafiə nazirinin birinci müavini, Baş Qərargah rəisi, general-polkovnik Kərim Vəliyev deyib.
O qeyd edib ki, əlaqələrin bu səviyyəyə çatmasında Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin və Türkiyə Cümhuriyyətinin Prezidenti Rəcəb Tayyib Ərdoğanın müstəsna rolu var:
"Ölkələrimiz arasında mövcud tarixi, dini, iqtisadi, mədəni və digər əlaqələr hərbi sahədə əməkdaşlığımızın inkişafı üçün yeni imkanlar yaradır".
General-polkovnik vurğulayıb ki, Azərbaycan-Türkiyə münasibətləri Şuşa Bəyannaməsinə əsaslanan müttəfiqlik prinsiplərinə söykənir. Bu Bəyannamədən irəli gələn tələblərə uyğun olaraq ordumuzun gücü artırılır, müdafiə sahəsində ardıcıl və zəruri tədbirlər həyata keçirilir.
"İyul ayında İstanbulda iki ölkənin müdafiə nazirləri tərəfindən imzalanan "Qarşılıqlı hərbi təhlükəsizliyin möhkəmləndirilməsinə dair Anlaşma Memorandumu" hərbi əməkdaşlığımızı keyfiyyətcə yeni mərhələyə yüksəltdi. Avqustun əvvəlində isə Türk Silahlı Qüvvələrinin rəhbərliyində yeni təyinatlar oldu. Əminəm ki, bu dəyişikliklər də hərbi sahədə əməkdaşlığımızın inkişafına növbəti təkan verəcək. Türkiyə Silahlı Qüvvələrinin yeni Baş Qərargah rəisi, ordu generalı Selçuk Bayraktaroğlunun yaxın günlərdə ölkəmizə nəzərdə tutulan səfəri ordularımız arasında əlaqələrin daha da möhkəmlənməsinə xidmət edəcək", - Kərim Vəliyev əlavə edib.
//oxu.az
Bunu Türkiyənin Zəfər Bayramına həsr edilən mərasimdə Azərbaycan müdafiə nazirinin birinci müavini, Baş Qərargah rəisi, general-polkovnik Kərim Vəliyev deyib.
O qeyd edib ki, əlaqələrin bu səviyyəyə çatmasında Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin və Türkiyə Cümhuriyyətinin Prezidenti Rəcəb Tayyib Ərdoğanın müstəsna rolu var:
"Ölkələrimiz arasında mövcud tarixi, dini, iqtisadi, mədəni və digər əlaqələr hərbi sahədə əməkdaşlığımızın inkişafı üçün yeni imkanlar yaradır".
General-polkovnik vurğulayıb ki, Azərbaycan-Türkiyə münasibətləri Şuşa Bəyannaməsinə əsaslanan müttəfiqlik prinsiplərinə söykənir. Bu Bəyannamədən irəli gələn tələblərə uyğun olaraq ordumuzun gücü artırılır, müdafiə sahəsində ardıcıl və zəruri tədbirlər həyata keçirilir.
"İyul ayında İstanbulda iki ölkənin müdafiə nazirləri tərəfindən imzalanan "Qarşılıqlı hərbi təhlükəsizliyin möhkəmləndirilməsinə dair Anlaşma Memorandumu" hərbi əməkdaşlığımızı keyfiyyətcə yeni mərhələyə yüksəltdi. Avqustun əvvəlində isə Türk Silahlı Qüvvələrinin rəhbərliyində yeni təyinatlar oldu. Əminəm ki, bu dəyişikliklər də hərbi sahədə əməkdaşlığımızın inkişafına növbəti təkan verəcək. Türkiyə Silahlı Qüvvələrinin yeni Baş Qərargah rəisi, ordu generalı Selçuk Bayraktaroğlunun yaxın günlərdə ölkəmizə nəzərdə tutulan səfəri ordularımız arasında əlaqələrin daha da möhkəmlənməsinə xidmət edəcək", - Kərim Vəliyev əlavə edib.
//oxu.az
