Köhnə "İPhone" satmaq əvəzinə necə təhlükəsizlik kamerasına çevirə bilərik?

Köhnə iPhone və ya Android telefonunuzu satmaq və ya təhvil vermək əvəzinə, ona yeni funksiya qazandıraraq təhlükəsizlik kamerasına çevirmək mümkündür. Bu, əlavə bahalı avadanlığa ehtiyac olmadan evinizin girişini, qarajı və ya digər əraziləri izləməyə imkan verir. Bunun üçün sadəcə kameradan görüntü və səsi başqa cihazınıza ötürən pulsuz tətbiq quraşdırmaq kifayətdir.

Median.Az xarici mediayaya istinadən xəbər verir ki, burada ən populyar seçim Alfred tətbiqidir. Bu proqram həm Android, həm də iOS cihazlarda işləyir, real vaxt izləmə imkanı təqdim edir və pulsuzdur.

Addım 1: Proqramı yükləyin və quraşdırın
Alfred tətbiqini həm köhnə, həm də yeni telefonunuza yükləyin. İstəsəniz planşet və ya kompüterdən də istifadə edə bilərsiniz.
Yeni telefonda proqramı açın, "İzləmə" (View) rejimini seçin və Google hesabınızla daxil olun.
Köhnə telefonda eyni addımları edin, amma "Kamera" (Camera) rejimini seçin. Mütləq eyni Google hesabını istifadə edin.
Ayarlardan hərəkət aşkarlanması, ön/arxa kamera seçimi, səsin açılıb-söndürülməsi və zəif işıq üçün filtr kimi funksiyaları aktivləşdirin.

Addım 2: Kameranın yerini seçin
Kameranı qapı girişi, uşaq otağı və ya həyət kimi izləmək istədiyiniz nöqtəyə yerləşdirin. Əgər bir neçə köhnə telefonunuz varsa, çoxkameralı izləmə sistemi də qura bilərsiniz.

Addım 3: Qurğu və enerji təminatı
Telefonu üçayaqlı stativ və ya avtomobil üçün şüşəyə yapışan tutacaq vasitəsilə sabitləyə bilərsiniz.
Daha geniş görüntü üçün 5-20 ABŞ dollarına geniş bucaqlı linza əldə etmək olar.
Telefon 24/7 işləyəcəyi üçün daim elektrik şəbəkəsinə və ya powerbank-a qoşulu qalmalıdır.
//lent.az