Kamçatkada vulkan 11,5 kilometr hündürlüyə kül püskürdü

Rusiyanın Kamçatka yarımadasındakı Klyuçevskaya Sopka vulkanı 11.5 kilometr hündürlüyə kül püskürüb.

Bu barədə məlumat Rusiya Elmlər Akademiyasının Uzaq Şərq Bölməsinin Vulkanologiya və Seysmologiya İnstitutunun "Telegram" kanalında dərc edilib.

Qeyd olunub ki, bu, səhər saatlarında baş verən ikinci kül püskürməsidir. Klyuçevskaya Sopka Kamçatka ərazisində fəaliyyətdə olan aktiv vulkandır. Hündürlüyünə görə bütün Avrasiya materikinin ən hündür vulkanıdır. Vulkanın yaşı təxminən 7 000 il hesablanır.

Xatırladaq ki, iyulun 30-da Kamçatka sahillərində 1952-ci ildən bəri ən güclü zəlzələ baş verib. Paralel olaraq, yarımadada Klyuçevskaya Sopka vulkanı püskürməyə başlayıb. Yeraltı təkanlar bölgədə hündürlüyü 4 m-ə çatan bir neçə sunami dalğası yaradıb.скачать dle 11.3

Şahidi olduğunuz hadisələri çəkib bizə göndərin!