Bloqeri reklam çəkilişi üçün əməliyyat otağına buraxıblar.

Hadisə özəl klinikalardan birində qeydə alınıb.

Belə ki, məşhur bloqer Arifə Məmmədova sosial şəbəkə hesabında paylaşım edərək əməliyyata həkimlə birlikdə girdiyini və proses boyunca orada olduğunu bildirib. Onun bu addımı sosial şəbəkələrdə geniş müzakirələrə səbəb olub.

Əməliyyat otağına kənar şəxsin daxil olması və hər hansı video çəkilişin aparılması nə dərəcədə düzgündür?

Tibb üzrə ekspert Adil Qeybulla hesab edir ki, xəstəyə aid məlumatların maraq naminə ictimailəşdirilməsi yolverilməzdir və qanunvericiliyə ziddir.

"Xəstə sirrinin bu cür yayılması hüquqa ziddir. Bloqerlər də fəaliyyətlərinin sərhədlərini bilməlidirlər. Onlar başa düşməlidirlər ki, bəzi hallarda hərəkətləri hüquqi məsuliyyətə səbəb ola bilər. Əməliyyat otağına kənar şəxslərin, xüsusilə də bloqerlərin daxil olması yolverilməzdir. Bloqerin əməliyyat otağında nə işi var?! Bu səbəbdən lisenziya sisteminə keçid vacibdir ki, hər kəs öz yerini və səlahiyyətini bilsin", - deyə ekspert bildirib.

Məlum görüntülərlə bağlı Səhiyyə Nazirliyindən bildirilib ki, məsələ Analitik Ekspertiza Mərkəzində yaradılan işçi qrupu tərəfindən ciddi şəkildə araşdırılacaq və müvafiq tədbirlər görüləcək. Araşdırmanın nəticələri barədə ictimaiyyətə məlumat veriləcək.

Ətraflı Baku TV-nin süjetində:скачать dle 11.3