Milli Məclisin Komissiyasından Azərbaycana qarşı dezinformasiya kampaniyası ilə bağlı AÇIQLAMA » Median.Az - Bütün xəbərlər bir ünvanda
22:55 Azərbaycanda yaşayış evləri bahalaşıb – RƏSMİ  |     22:52 İsrail Qəzzada əməliyyata başladı  |     22:48 Uşaqlarda məktəbə sevgi necə formalaşdırılır? – Mütəxəssislərdən tövsiyə  |     22:40 Xocalıda 2,8 milyon manatlıq işlərə başlanılır  |     22:33 Gürcüstanda yarım saat ərzində iki zəlzələ baş verib  |     22:22 ABŞ onlara sanksiya tətbiq etdi  |     22:12 ChatGPT-nin fəaliyyətində nasazlıq baş verib  |     22:08 Türkiyənin vergi rekordçusu odur  |     21:59 Zərdab sakini həmyerlisini bıçaqlayıb  |     21:54 “Həmin şəxs zərərçəkən deyil, şahiddir” – Rəqsanənin vəkilindən ŞOK AÇIQLAMA  |     21:44 Qars-Naxçıvan dəmir yolunun tikintisinə bu tarixdə başlanacaq  |     21:38 Makron: İsrailin Qəzzadakı əməliyyatı fəlakətlə nəticələnəcək  |     21:30 Azərbaycanın qadın güləşçisi dünya çempionatında bürünc medal qazanıb  |     21:24 Donetskdə bazara raket zərbələri endirildi - Ölən və yaralananlar var  |     21:13 Bəzi ərazilərdə su kəsiləcək  |     21:06 İsrailin Qəzzadakı əməliyyatı fəlakətlə nəticələnəcək - Makron  |     21:00 Kadırov UFC çempionuna "Maybach" hədiyyə etdi  |     20:49 Ordubadın bəzi yerlərində qaz təchizatı müvəqqəti dayandırılacaq  |     20:24 Hövsanda 31 yaşlı kişi qətlə yetirildi- Saxlanılan var  |     20:17 İtkin düşmüş şəxsin öldürüldüyü məlum oldu  |    

Milli Məclisin Komissiyasından Azərbaycana qarşı dezinformasiya kampaniyası ilə bağlı AÇIQLAMA

Milli Məclisin Xarici müdaxilələrə və hibrid təhdidlərə qarşı komissiyası ölkəmizə qarşı aparılan dezinformasiya kampaniyasına dair açıqlama yayıb.

Median.Az
açıqlamanı təqdim edir:

"Milli Məclisin Xarici müdaxilələrə və hibrid təhdidlərə qarşı komissiyası 2025-ci il 18 iyun tarixli açıqlamasının davamı olaraq bildirir ki, İran İslam Respublikası ilə İsrail Dövləti arasında baş verən 12 günlük qarşıdurma zamanı və ondan sonrakı dövrdə Azərbaycan Respublikası qonşu dövlətlərin ərazisində fəaliyyət göstərən məkrli qüvvələr tərəfindən qəsdən hədəf seçilərək əlaqələndirilmiş dezinformasiya kampaniyasına məruz qalmışdır.

Azərbaycan tərəfinin bütün səviyyələrdə verdiyi açıqlamalara baxmayaraq, Komissiyanın apardığı monitorinqlər zamanı qonşu və dost İran İslam Respublikasının ərazisində və ondan kənarda fəaliyyət göstərən qruplar tərəfindən "Telegram", "TikTok", "Facebook", "X" və "YouTube" kimi platformalarda "münaqişədə Azərbaycanın rolu" ilə bağlı saxta xəbərlər və məlumatlar paylaşılaraq dövlətimizin təhlükəsizliyi və milli maraqları əleyhinə genişmiqyaslı dezinformasiya kampaniyalarının davam etdiyi müəyyən edilmişdir.

Kampaniya zamanı İran cəmiyyətinin də hədəf auditoriyası olduğu təsbit edilmiş, ölkə daxilində anti-Azərbaycan sentimentin formalaşdırılması istiqamətində fəaliyyətin aparıldığı müşahidə edilmişdir.

İran İslam Respublikasının Ermənistan Respublikasındakı səfirinin səsləndirdiyi təxribat xarakterli iddialardan sonra isə İrandakı ermənipərəst dairələrin və şəxslərin, o cümlədən Ermənistana bağlı şəbəkələrin anti-Azərbaycan və qızışdırıcı ritorikasının daha da artdığı diqqətimizi cəlb etmişdir.

Eyni zamanda, İranda məskunlaşaraq Azərbaycan əleyhinə fəaliyyət göstərən Azərbaycan əsilli qruplaşma üzvlərinin sosial media platformaları vasitəsilə din pərdəsi altında manipulyativ fikirlərdən istifadə etməklə Azərbaycan vətəndaşlarını müxtəlif təxribatlar törətmələri üçün çağırışlar etdikləri aşkar edilmişdir.

Komissiyanın hesablamalarına görə, anti-Azərbaycan kampaniyası İrandan qaynaqlanan 270-dən çox profillə, əsasən, Azərbaycan, rus, fars, qismən də ingilis, türk və ərəb dillərində 600-ə yaxın hesabdan aparılır. Bundan əlavə, həmin qrupların yalnız "TikTok" platformasında 215-dən çox aktiv hesabı fəaliyyət göstərir.

Xarici müdaxilələrə və hibrid təhdidlərə qarşı komissiya aidiyyəti dövlət qurumları ilə birgə dövlətimizə qarşı aparılan bu fəaliyyətləri diqqətlə izləyir və müvafiq cavab tədbirləri görür".скачать dle 11.3




Şahidi olduğunuz hadisələri çəkib bizə göndərin!




            474 01.07.25 22:27