Rəisdən ŞOK AÇIQLAMA: "Pulu Vasif Talıbovun oğlunun sürücüsünə verirdim" » Median.Az - Bütün xəbərlər bir ünvanda
18:25 Əli Əsədov Ukraynanın yeni Baş nazirini təbrik edib  |     18:07 Masallıda arvadını boşayan şəxs anasını döydü  |     17:47 Yekaterinburqdakı Azərbaycan diasporunun rəhbərinin oğlunun həbsindən apellyasiya şikayəti verildi  |     17:24 Bakıda qadın ərinin başına telefonla vuraraq öldürüb?  |     17:19 Sürücülərə xəbərdarlıq - Bu yol 2 gün bağlı olacaq  |     17:04 XƏBƏRDARLIQ - Bu tarixədək 41° İSTİ OLACAQ  |     16:54 Bakıda üçəmlərdən ikisi xəstəxanada öldü, valideyn həkimləri günahlandırır - Video  |     16:50 HƏMAS və İsrail Qəzza zolağı ilə bağlı razılığa gəlib  |     16:43 Azərbaycan MDB İqtisadi Şurasının Moskvada keçirilən iclasında iştirak etməyəcək  |     16:33 Bakıda ata həbsdəki oğluna narkotik vasitə gətirib  |     16:24 DTX-nin həbs etdiyi fransız iş adamı Fərhad Əhmədovdan nə qədər rüşvət alıb?  |     16:23 Şimali Koreya qəfildən öz kurortlarını əcnəbilərin üzünə bağladı - SƏBƏB  |     16:15 "TikTok"da 181 nəfəri aldadıb pullarını talayan şəxsə HÖKM OXUNDU  |     15:55 Xəzər TV-yə xəbərdarlıq edilib  |     13:54 Bakı-Naxçıvan-Bakı avtobus reyslərinin fəaliyyəti BƏRPA OLUNUR  |     13:30 İsmayıllıda kişi toyuq hinində ölü tapıldı  |     13:27 Telman Hacıyev vəfat etdi  |     13:18 Dünən cinayət törətməkdə şübhəli bilinən 37 nəfər saxlanıldı  |     13:18 Suriyada nazirə sui-qəsd cəhdi olub - Əl Şaraa Dəməşqi tərk etdi  |     13:14 Bəzi rayonlarda leysan yağıb, şimşək çaxıb  |    

Rəisdən ŞOK AÇIQLAMA: "Pulu Vasif Talıbovun oğlunun sürücüsünə verirdim"

Naxçıvan Muxtar Respublikasının Səfərbərlik və Hərbi Xidmətə Çağırış üzrə Dövlət Xidmətinin rəisi olmuş polkovnik Mirzə Cəlilovun cinayət işinin təfərrüatı məlum olub.

Median.Az
Musavat.com-a istinadən xəbər verir ki, Dövlət Təhlükəsizliyi Xidməti (DTX) tərəfindən həbs edilən Mirzə Cəlilovun rəis olduğu 3 ildə 2 milyon 464 min manat məbləğində rüşvət aldığı müəyyən edilib.

Cəlilov 2020-2023-cü illərdə bu məbləği Naxçıvan üzrə hərbi qeydiyyatlı müddətli həqiqi hərbi xidmətə çağırışa möhlət hüququ olan və olmayan, təkrar tibbi müayinəyə yönəldilən çağırışçılardan şəxsən və vasitəçidən istifadə etməklə alıb. Bununla da onların hərbi xidmətdən yayınmaları üçün növbəti hərbi çağırışdan boyun qaçırmalarına köməklik edib.

İstintaq zamanı Cəlilovun ayrı-ayrı zabitlərdən 5-17 min manata arası rüşvət alaraq onları Naxçıvanda Səfərbərlik və Hərbi Xidmətə Çağırış Üzrə Dövlət Xidmətinin ayrı-ayrı idarələrində müxtəlif vəzifələrə təyin edib. İstintaq materiallarında 12 nəfər zabitin rəisə rüşvət verərək müxtəlif vəzifələrə təyin olunduqları yer alır.

Bundan başqa cinayət işi materiallarında diqqətçəkən ittihamlardan biri Cəlilovun özü ilə bağlıdır.

O öz qulluq səlahiyyətlərindən qulluq mənafeyinə qəsdən zidd olaraq xidməti səlahiyyətlərinin hüdudlarından açıq-aşkar kənara çıxan hərəkətlər etməklə və "Hərbi xidmətkeçmə haqqında" əsasnamənin tələblərinə zidd olaraq özü-özünə "polkovnik" hərbi rütbəsi, eyni zamanda özü-özünə "usta" məharət dərəcəsi verib.

Mirzə Cəlilov dindirilən zaman rüşvəti Naxçıvan Ali Məclisinin keçmiş sədri Vasif Talıbovun göstərişi ilə aldığını deyib. Bildirib ki, rayon və şəhər rəislərinə əvvəlki qaydada, yəni müəyyən olunmuş məbləğdə çağırışçılardan pul yığılmasını söyləyib.

Onun sözlərinə görə, 2020-2022-ci illər ərzində Naxçıvanda Səfərbərlik və Hərbi Xidmətə Çağırış Üzrə Dövlət Xidmətinin yerli idarə, şöbə və bölmələrinin rəisləri tərəfindən "Hərbi uçotdan çıxarmaqla hərbi xidmətə yararsızdır", "Dinc dövrdə hərbi xidmətə yarasız, müharibə dövründə məhdud yararlıdır", "hərbi xidmətə müvəqqəti yararsızdır" hesab edilməklə əsassız olaraq möhlət hüququ verilmiş çağırışçılardan ümumilikdə təxminən 800-900 min manat rüşvət toplanıb.

"Mən həmin rüşvətin toplanmasında vasitəçi olmuşam. Bunları Vasif Talıbovun göstərişi əsasında etmişəm. Yığılmış pulları Vasif Talıbovun oğlu Seymur Talıbovun sürücüsü Həsən adlı şəxsə vermişəm. Həmin pullardan mənə hər dəfəsində 10 min manat, yerli idarə və şöbələrə isə yığdıqları pulun 10 faizi verilirdi. İşlədiyim müddətdə aldığım 80 min manat vəsaiti xidmətin təsərrüfat xərclərinə sərf etmişəm", - deyən rəis günahsız olduğunu bildirib.

Cəlilov özü-özünə rütbə verməsini də etiraf edib.

Cəlilov Naxçıvan Hərbi Məhkəməsinin hökmü ilə 10 il müddətinə azadlıqdan məhrum edilib.скачать dle 11.3




Şahidi olduğunuz hadisələri çəkib bizə göndərin!




            195 01.07.25 14:25