Bakıda 62 yaşlı kişi tanışını bıçaqladı

Bakıda bıçaqlanma hadisəsi baş verib.

Oxu.Az-ın məlumatına görə, hadisə Binəqədi rayonunda qeydə alınıb.

1963-cü il təvəllüdlü Əbdüləli Oruc oğlu Həsənov aralarında yaranmış mübahisə zamanı 1979-cu il təvəllüdlü İlkin Fərman oğlu Ələskərovu bıçaqlayıb. İ.Ələskərov iki bıçaq xəsarəti ilə Klinik Tibbi Mərkəzə yerləşdirilib.

Hadisəni törətməkdə şübhəli bilinən Ə.Həsənov tutulub.

Faktla bağlı cinayət işi başlanıb.