Sarıcalı sakini: Sevinirəm ki, Ağdamın yenidən qurulmasında mənim də əməyim var
Ağdamın Sarıcalı kəndinin sakini rayonun yenidən qurulmasında onun da əməyinin olduğuna sevindiyini bildirib.
Bu barədə "Report"un Ağdama ezam olunan əməkdaşı ilə söhbətdə rayonun Sarıcalı kənd sakini Əli Rzayev deyib.
O, daha əvvəl görmədiyi kəndlərinə qayıdaraq əmək fəaliyyətinə başlamağın bir vaxtlar xəyal olduğunu, lakin artıq gerçəkləşdiyini vurğulayıb:
“Mən əvvəllər Sarıcalını görməsəm də, valideynlərim kəndimiz və Ağdam barədə çox danışıblar. Mən düşünməzdim ki, barəsində valideynlərimdən eşitdiyim kəndimizdə yaşayaraq doğma rayonda işləyəcəm. Şükür, artıq yurdumuza qayıtmışıq, öz evimizdə-elimizdə çalışırıq.
Bir ilə yaxındır ki, Ağdam Sənaye Parkında fəaliyyət göstərən METKONS şirkətində qaynaqçı işləyirəm. Bir müddət əvvəl isə kəndimizə köçmüşük. Kəndimiz rayon mərkəzinə çox yaxındır. Əvvəl uzun yol qət edib Bərdəyə getməli olurdum, bunun da bəzi çətinlikləri vardı. Amma indi demək olar ki, bu çətinliklər aradan qalxıb.
İnşallah, digər həmyerlilərim də tezliklə köçüb gələr. Çox böyük qürur hissi keçiririk. Buraya köçüb yaşamaqla yanaşı, Ağdamın yenidən qurulmasında mənim də əməyimin olacağına çox sevinirəm”.
Bu barədə "Report"un Ağdama ezam olunan əməkdaşı ilə söhbətdə rayonun Sarıcalı kənd sakini Əli Rzayev deyib.
O, daha əvvəl görmədiyi kəndlərinə qayıdaraq əmək fəaliyyətinə başlamağın bir vaxtlar xəyal olduğunu, lakin artıq gerçəkləşdiyini vurğulayıb:
“Mən əvvəllər Sarıcalını görməsəm də, valideynlərim kəndimiz və Ağdam barədə çox danışıblar. Mən düşünməzdim ki, barəsində valideynlərimdən eşitdiyim kəndimizdə yaşayaraq doğma rayonda işləyəcəm. Şükür, artıq yurdumuza qayıtmışıq, öz evimizdə-elimizdə çalışırıq.
Bir ilə yaxındır ki, Ağdam Sənaye Parkında fəaliyyət göstərən METKONS şirkətində qaynaqçı işləyirəm. Bir müddət əvvəl isə kəndimizə köçmüşük. Kəndimiz rayon mərkəzinə çox yaxındır. Əvvəl uzun yol qət edib Bərdəyə getməli olurdum, bunun da bəzi çətinlikləri vardı. Amma indi demək olar ki, bu çətinliklər aradan qalxıb.
İnşallah, digər həmyerlilərim də tezliklə köçüb gələr. Çox böyük qürur hissi keçiririk. Buraya köçüb yaşamaqla yanaşı, Ağdamın yenidən qurulmasında mənim də əməyimin olacağına çox sevinirəm”.
