Bakı Ağır Cinayətlər Məhkəməsində qəsdən sağlamlığa ağır zərərvurmada və qəsdən sağlamlığa yüngül zərərvurmada təqsirləndirilən Ülviyyə Səmədovanın (adı və soyadı şərtidir) cinayət işi üzrə məhkəmə istintaqı başa çatıb.
Median.Az Pravda.az-a istinadla xəbər verir ki, hakim Mahirə Kərimovanın sədrliyi ilə keçirilən prosesdə hökm oxunub.
Məhkəmənin hökmü ilə Ülviyyə Səmədova 3 il 6 ay müddətə azadlıqdan məhrum edilib.
İttihama görə, hadisə 2023-cü il avqustun 1-də, saat 19 radələrində Bakı şəhəri, Yasamal rayonu ərazisində qeydə alınıb.
Belə ki, 2002-ci il təvəllüdlü Ülviyyə Səmədova kirayə yaşadığı evdə olarkən həmin yerə həyat yoldaşının bibiləri, zərərçəkmişlər - Zülfiyyə və Ruqiyyə Səmədova (hər ikisinin ad və soyadı şərtidir) gəliblər. Onlar təqsirləndirilən şəxsin onu başqa kişilərlə ünsiyyət qurub həbsdə olan həyat yoldaşına xəyanət etməkdə ittiham ediblər. Bu səbəbdən Ülviyyə həmin şəxslərlə mübahisə edib. Bu zamanı Zülfiyyə onun ünvanına nalayiq ifadələr işlədib, bədəninin müxtəlif nahiyələrinə zərbələr endirib, saçından tutaraq yerə yıxıb. Sonra təqsirləndirilən şəxs mətbəx bıçağı ilə fərdi yaşayış evinin həyətində hər iki bacıya bir zərbə endirərək onlara bədən xəsarətləri yetirib.
Hadisədən sonra Ülviyyə Səmədova saxlanılaraq cinayət məsuliyyətinə cəlb edilib və barəsində həbs qətimkan tədbiri seçilib.
Qeyd edək ki, Ülviyyə Səmədova daha əvvəl oğurluq etdiyinə görə Qaradağ Rayon Məhkəməsinin 2022-ci ildə çıxardığı hökmlə 1 il 3 ay 4 gün müddətə azadlığın məhdudlaşdırılması (elektron qolbaq) cəzasına məhkum edilib, lakin cəzasını çəkməyib.
Şahidi olduğunuz hadisələri çəkib bizə göndərin!
Son Əlavə